ب ۇ ۇ: الەمدە 155 ميلليون ادام اشتىق زاردابىن تارتۋدا

بىلتىرعى جىلعا ارنالعان زەرتتەۋدى بىرىككەن ۇلتتار ۇيىمىنىڭ ازىق- تۇلىك جانە اۋىل شارۋاشىلىعى ۇيىمنىنىڭ وكىلدەرى جۇرگىزگەن. ساراپشىلار سوڭعى 5 جىلدا تاماق تاپپاي قينالعان تۇرعىندار سانى 94 ميلليونعا وسكەنىن العا تارتادى.

اشتىقتىڭ بەلەڭ الۋىنا كوروناۆيرۋس ىندەتى مەن ەكونوميكالىق قيىندىقتاردان تۋىنداعان داعدارىس سەبەپ بولۋدا. اسىرەسە، بۋركينا- فاسو، يەمەن جانە وڭتۇستىك سۋدان تۇرعىندارى ءۇشىن ءبىر ءتىلىم نان تاۋىپ جەۋ قيىنعا سوققان. ونىڭ ىشىندە 5 جاسقا دەيىنگى 75 ميلليون بالانىڭ دامۋى ارتتا قالعان. ولاردىڭ 15 ميلليوننان استامى جۇدەپ- جاداپ، ءتىرى ولىككە اينالعان.

ازىق- تۇلىك تاپشىلىعى جىل سايىن ۋشىعا بەرمەك. سەبەبى مالىمەت بويىنشا 2030 -جىلعا قاراي جەر شارىنداعى ادام سانى 8,5 ميللياردقا جەتۋى مۇمكىن.

دومينيك بۋرجون، ب ۇ ۇ ازىق- تۇلىك جانە اۋىل شارۋاشىلىعى ۇيىمىنىڭ وكىلى:

- قىسقاشا ايتقاندا، 2020 -جىل ادامزات تاريحىنداعى ەڭ اۋىر جىل بولدى. بىلتىر اشتىققا ۇشىراعاندار سانى الدىڭعى جىلمەن سالىستىرعاندا 20 ميلليون ادامعا كوپ تىركەلدى. سۋ تاسقىنى جانە قۇرعاقشىلىق سياقتى تابيعي اپاتتار دا ازىق- تۇلىك جەتىسپەۋشىلىگىن ارتتىرىپ وتىر.