150 مىڭنان استام قازاقستاندىق ەمحاناسىن اۋىستىردى

قوردىڭ مالىمەتىنشە، 150 مىڭنان استام ادامنىڭ 76 مىڭى ەمحاناعا العاش رەت تىركەلگەن. 132 مىڭنان استام قازاقستاندىق م س ا ك جەكە مەنشىك مەديتسينا ۇيىمىنا، قالعان 20 مىڭى مەملەكەتتىك نىساندى تاڭداعان.

«ەمحاناعا بەكىتىلۋ قورىتىندىسى بويىنشا مەديتسينالىق ۇيىمداردى كەلەسى جىلعا قارجىلاندىرۋ كولەمى قالىپتاستىرىلادى. سوندىقتان ەمحانانى اۋىستىرعان ازاماتتار وندا تمككك جانە م ءا م س بويىنشا كومەكتى تەك 2021-جىلعى 1- قاڭتاردان باستاپ الادى. وسى ۋاقىتقا دەيىن ولارعا بۇرىنعى مەديتسينالىق ۇيىمدا قىزمەت كورسەتىلەدى»، - دەپ ءتۇسىندىردى قوردىڭ باسپا ءسوز قىزمەتى.

ءبىر قىزىعى 169 مىڭ ازامات ەلدەگى بىردە-ءبىر ەمحاناعا تىركەلمەگەن. تىركەۋ ناۋقانىنا بارلىعى 521 م س ا ك وبەكتىسى: 296 مەملەكەتتىك ۇيىم جانە 225 جەكە مەنشىك ۇيىم قاتىستى. ولاردىڭ بارلىعى دەنساۋلىق ساقتاۋ سۋبەكتىلەرىنىڭ دەرەكتەر قورىنا تىركەلگەن.

ەستەرىڭىزگە سالا كەتەيىك، تىركەۋ كەزىندە ەمحانانى تاڭداۋعا بولادى، سونداي-اق جىلىنا ءبىر رەت ونى اۋىستىرۋ قۇقىعى بار. ەگەر ادام تۇراقتى نەمەسە ۋاقىتشا تۇراتىن جەرىن، جۇمىس نەمەسە وقۋ ورنىن اۋىستىرسا، باسقا ەلدى مەكەنگە كوشسە نەمەسە ول تۇرعان ەمحانا قايتا ۇيىمداستىرىلسا نەمەسە جويىلسا دا باسقا مەديتسينالىق ۇيىمعا تىركەلەدى.