دوكتورانتتاردىڭ ستيپەندياسىن 150 مىڭ تەڭگەگە دەيىن ارتتىرۋ قاجەت - پرەزيدەنت
بۇل تۋرالى ۇلتتىق قوعامدىق سەنىم كەڭەسىنىڭ 3-وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى. «عىلىمي جەتەكشى ورتالىقتارىمىزعا دوكتورانتۋرادان كەيىنگى ىزدەنىس ءۇشىن ارناۋلى مەملەكەتتىك تاپسىرىس بەرۋ قاجەت»، - دەدى قازاقستان پرەزيدەنتى.
مەملەكەت باسشىسى سونىمەن قاتار دوكتورانتۋراعا بولىنەتىن گرانتتاردىڭ قۇنىن ارتتىرۋ كەرەكتىگىن باسا ايتتى.
«دوكتورانتتاردىڭ كوبى وتباسىلى ازاماتتار. ولار عىلىممەن اينالىسقان كەزدە ستيپەنديامەن كۇن كورەدى. جۇمىس ىستەۋگە مۇمكىندىگى بولمايدى. دوكتورانتتاردىڭ ستيپەندياسىن 150 مىڭ تەڭگەگە دەيىن كوبەيتۋ قاجەت. سونىمەن قاتار ەلباسىنىڭ جاس عالىمدار ءۇشىن جىل سايىن گرانت ءبولۋ جونىندەگى باستاماسىن جالعاستىرعان ءجون. ونىڭ الداعى ءۇش جىلعا ارنالعان جالپى كولەمى 3 ميلليارد تەڭگە بولادى»، - دەدى قاسىم-جومارت توقايەۆ.
اۆتور: مارلان جيەمباي