02:44, 11 - مامىر 2021 | GMT +6
ش ق و- داعى الاپات ءورت: 14 ءۇي وتقا وراندى
وسكەمەن. قازاقپارات - شىعىس قازاقستان وبلىسىنداعى دالا ءورتىنىڭ جالپى اۋماعى 310 گەكتارعا جەتتى، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ريددەر ورمان شارۋاشىلىعىندا شىققان قىزىل جالىننىڭ بەتى قايتار ەمەس. جەلدىڭ سالدارىنان ءورت لەسحوز كەنتىنىڭ 14 ۇيىنە تاراپ كەتكەن.
«ابىروي بولعاندا، زارداپ شەككەن ەشكىم جوق. قۇتقارۋشىلار ليحاچيەۆ كوشەسىنىڭ 10 تۇرعىنىن ەۆاكۋاتسيالادى. ءورت وشاعىندا جەكە قۇرامنان 100 دەن استام ادام مەن 20 تەحنيكا جۇمىس ىستەۋدە. قازىرگى ۋاقىتتا جانىپ جاتقان ورمان الاڭى 310 گەكتارعا جەتىپ وتىر»، - دەلىنگەن حابارلامادا.
جالىندى اۋىزدىقتاۋ ءۇشىن كومەككە 2 تىكۇشاق كەلىپ، 12500 تەكشە مەتر سۋ توككەن.