+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

پاۆلوداردا استانا كۇنى قارساڭىندا 140 وتباسى باسپانالى بولدى

6 شىلدە 01:37
:ءبولىسۋ
پاۆلوداردا استانا كۇنى قارساڭىندا 140 وتباسى باسپانالى بولدى

پاۆلودار. قازاقپارات - استانا كۇنى قارساڭىندا پاۆلودار قالاسىندا 72، اقسۋدا 70 پاتەر يەلەرىنە تابىس ەتىلدى، دەپ حابارلايدى قازاقپارات pavlodarnews.kz-كە سىلتەمە جاساپ.

پاۆلوداردا سارىارقا شاعىن اۋدانىنداعى تۇرعىن ءۇي پايدالانۋعا بەرىلدى. «نۇرلى جەر» مەملەكەتتىك باعدارلاماسى اياسىندا سالىنعان كوپقاباتتى تۇرعىن ۇيدەن پاتەرلى بولعاندار اراسىندا ۇلى وتان سوعىسى ارداگەرلەرى، جەتىم بالالار جانە كوپبالالى انالار دا بار. پاتەر يەلەرى ايتۋلى مەرەكە قارساڭىندا قونىس تويىن تويلاۋ ەرەكشە سىيلىق ەكەنىن ايتادى.

null

ايتا كەتەرلىگى، جىل سوڭىنا شەيىن «سارى ارقا» شاعىن اۋدانىنداعى تاعى سەگىز تۇرعىن ءۇيدى پايدالانۋعا تاپسىرۋ جوسپاردا بار. سونىڭ ەكەۋى «اليۋمينقۇرىلىس» شاعىن اۋدانىنىڭ تۇرعىندارى ءۇشىن سالىنىپ جاتىر، ال التاۋى «تۇرعىن ءۇي قۇرىلىس جيناق بانك» باعدارلامالارىنىڭ قاتىسۋشىلارىنا بەرىلەدى.

null

ەلوردانىڭ مەرەيتويى قارساڭىندا اقسۋ قالاسىندا دا جاڭا تۇرعىن ءۇي پايدالانۋعا بەرىلدى. بەس قاباتتى تۇرعىن ءۇيدى سالۋعا ERG كورپوراتسياسىنىڭ قۇرامىنا كىرەتىن ەۋرازيا ەنەرگەتيكا كورپوراتسياسى تاپسىرىس بەرگەن. 70 جاڭا پاتەرگە وسى كاسىپورىننىڭ قىزمەتكەرلەرى ورنالاستى. كومپانيا وكلدەرىنىڭ ايتۋىنشا، پاتەرلەردىڭ اۋدانىن ءبولىپ بەرۋدە وتە تاپشى ماماندىق يەلەرىنە، جاس جانە جوعارى بىلىكتى ماماندارعا باسىمدىق بەرىلگەن.

null

اقسۋدا جاڭا ۇيمەن قاتار كۇردەلى جوندەۋدەن شىققان ستاديون دا پايدالانۋعا بەرىلدى. بۇدان بولەك، قالادا بالالارعا ارنالعان جاڭا ەكوتەحنيكا ورتالىعى دا اشىلدى. قايتا تۇلەگەن ورتالىقتا ەندى ءىت- كابينەت، كوۆوركينگ- ورتالىق، «جىبەك جولى» ەكو- جانە ەتنوتۋريزم كابينەتى بار.

null

سونداي-اق استانا كۇنى قارساڭىندا ەلدى دامىتۋعا سۇبەلى ۇلەس قوسقان پاۆلودارلىقتاردى ماراپاتتاۋ ءراسىمى بولدى. پرەزيدەنتتىڭ جارلىعىمەن 30 ادامعا «استانا 20 جىل» مەرەيتوي مەدالدارى تابىس ەتىلدى.

nullnull null


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات