كۇنىنە 13 ساعات جۇمىس ىستەيتىن مەدبيكە كوروناۆيرۋس جۇقتىرعانداردىڭ ازابى تۋرالى ايتتى

بۇل تۋرالى Stan.kz اقپارات اگەنتتىگى حابارلايدى.

19 جاستاعى مەديتسينا قىزمەتكەرى ليۋسي حاتچينگستىڭ ايتۋىنشا، قالالىق اۋرۋحانادا Covid-19 پنيەۆمونياسىنا قارسى ناۋقاستارعا كۇتىم جاسايتىن جەكە قورعانۋ قۇرالدارىنىڭ جەتىسپەيدى. سونىمەن قاتار، كوروناۆيرۋستى جۇقتىرعاندار سانى قارقىندى تۇردە ءوسىپ جاتىر.

«بىزگە اۋرۋدىڭ تەرمينالدى ساتىسى بار ادامدار كەلىپ تۇسەدى. كوپتەگەن ناۋقاستار وكپەنى جاساندى جەلدەتۋ اپپاراتىنا مۇقتاج. جۇقتىرعانداردىڭ كوپشىلىگى 60 تان 90 جاسقا دەيىن»، - دەپ اتاپ ءوتتى ول.

حاتچينگس كوروناۆيرۋستىق ينفەكسياعا بايلانىستى ادامداردىڭ قينالعانىن كورۋ وعان قيىنعا سوعاتىنىن مويىندادى. ونىڭ ايتۋىنشا، ول جۇقتىرعانداردىڭ كوزدەرىنەن كوپ اۋىرسىنۋدى كورەدى.

«مەن قورقامىن. مەن جاعداي ناشارلايدى دەپ ويلايمىن. بۇل تەك باستاماسى سياقتى»، - دەيدى قىز.

ليۋسي ارىپتەستەرىنىڭ بارلىعى دا بولىپ جاتقان وقيعالاردان قورقاتىنىن، ءبىراق، سونىمەن بىرگە، ادامداردىڭ ءومىرىن ساقتاپ قالا الاتىندىقتارىن ماقتان تۇتاتىنىن اتاپ ءوتتى.

حاتچينگس جۇمىس ىستەيتىن پالاتادا 40 جانە ودان جوعارى جاستاعى پاتسيەنتتەر جاتىر. الايدا اۋرۋحانا قىزمەتكەرلەرى اۋرۋدى جۇقتىرعان جاستاردى قابىلداۋعا دايىندىق ۇستىندە.

«كوپشىلىگى: «وي، مەن جۇقتىرمايمىن، مەندە ءبارى جاقسى بولادى» دەپ ويلايدى. وسىلاي ويلاۋدىڭ قاجەتى جوق. بۇل ۆيرۋس كۇن سايىن جۇزدەگەن ادامدى ولتىرەدى. ادامدار مۇنى تەزىرەك ءتۇسىنىپ، ۇيدە بولعان سايىن، ءبارى تەز اياقتالادى»، - دەپ ءتۇسىندىردى ول.

ليۋسي ۇيدە بولۋ ۇلكەن قۋانىش ەكەنىن ايتادى.

«مەن ۇيدە وتىرىپ، ءدامدى تاماق ءىشىپ، سۇيىكتى ىستەرىمدى ىستەگىم كەلەدى، ءبىراق مەن ولاي جاساي المايمىن. كارانتيندى بۇزعان ادامدار ءوزىن اقىماق جانە جاۋاپسىز ۇستايدى. مۇنىڭ ءبارى ءازىل ەمەس. بيلىكتىڭ نۇسقاۋلارىن اسا ماڭىزدى دەپ قابىلداۋ كەرەك»، - دەپ جازدى ليۋسي حاتچينگس.

ونىڭ Facebook-تەگى بۇل جازباسى كوپشىلىكتىڭ كوڭىلىن بوساتىپ، ونداعان مىڭ لايك جينادى.