+7 (701) 759 90 19
-18 °С : نۇر-سۇلتان
1 °С : الماتى
USD 419.87 EUR 508.04
RUB 5.7 CNY 65
جاڭالىقتار

131 عانا ادامى بار «مەملەكەتتى» بىلەسىز بە؟

21 جەلتوقسان 18:49
:ءبولىسۋ
131 عانا ادامى بار «مەملەكەتتى» بىلەسىز بە؟

نۇر-سۇلتان. قازاقپارات - مگينگو ارالى افريكاداعى ۆيكتوريا كولىندە ورنالاسقان. ارال - كەنيا مەن ۋگاندا اراسىنداعى داۋلى ايماق.

كولەمى شامامەن 1,8 مىڭ شارشى مەترلىك ارالدا 131 ادام تۇرادى (كەيبىر مالىمەتتەر ارال ادامدارى 400 دەپ ەسەپتەيدى) . بۇل ادامدار تاۋەلسىز «سەنات رەسپۋبليكاسىن» قۇرعان. جەرگىلىكتى تۇرعىندار بالىق اۋلاپ كۇن كورەدى جانە ءوز قاۋىمىنا باسقا ادامداردى كىرگىزبەيدى.

بۇل رەسمي ەمەس مەملەكەتتىڭ نەگىزى 1991 -جىلى قالانعان

مگينگو 1991 -جىلعا دەيىن ەلسىز ارال سانالعان. تەك 1991 -جىلى بۇل جەرگە كەنيالىق ەكى بالىقشى - دالماس تەمبو مەن دورج كيبەبە كەلىپ، وسىندا قالۋعا شەشىم قابىلداعان. ەكى باتىل بالىقشىعا كەنيا، ۋگاندا جانە تانزانيادان تاعى 60 افريكالىق قوسىلعان. بۇل ادامداردىڭ مگينگوعا كوشۋگە تەك بالىق اۋلاپ، جاقسى ءومىر ءسۇرۋ مۇمكىندىگى عانا ەمەس، سونىمەن قاتار تەڭسىزدىك پەن ناداندىقتان ادا جەكە «مەملەكەت» قۇرۋ يتەرمەلەگەن. 2009 -جىلعا قاراي ارال تۇرعىندارىنىڭ سانى 131 ادامعا دەيىن ءوستى. وسىدان كەيىن «ىقپالدى سەناتورلار» تەمبو مەن كيبەبە ءوز كوممۋنالارىنا باسقا ەشكىمدى كىرگىزبەۋگە شەشىم قابىلداعان.

ارال ادامدارى باي تۇرادى

بۇل جەردىڭ تۇرعىندارى نەگىزىنەن ءنىل الابۇعاسىن اۋلاپ تىرشىلىك ەتەدى. ءار وتباسى اپتاسىنا 200-250 دوللار (شاشامەن 100 مىڭ تەڭگە) تابادى. بۇل قارجى كورشىلەس ەلدەردەگى افريكالىقتاردىڭ 2-3 ايداعى ورتاشا جالاقىسى.

ارالدىڭ كەنيا مەن ۋگاندا اراسىنداعى داۋلى ايماق بولعانى مگينگو «مەملەكەتىنىڭ» تاۋەلسىزدىگىن ساقتاۋعا مۇمكىندىك بەرەدى. ەكى ەل دە ونى ءوزىنىڭ ايماعىنا ەنگىزە المايدى، سوندىقتان بۇل بالىقشىلار تاۋەلسىز سانالادى.

مگينگو ادامدار ەڭ تىعىز قونستانعان ارال سانالادى

سوڭعى 20 جىلدا ەكى مەملەكەت مگينگونىڭ كەسىرىنەن 9 رەت قارۋلى قاقتىعىسقا بارعان. باستاپقىدا كەنيا مەن ۋگانداداعى جاعالاۋ كۇزەتى بالىقشىلاردىڭ قايىقتارىن سىندىرىپ، تورلارىن كەسىپ، التى ادامدى اتىپ تاستادى. ءبىراق سودان كەيىن ەكى ەل كەلىسىمگە كەلدى. ال بالىقشىلار ولارعا سالىق تولەيتىن بولدى.

كەنيا مەن ۋگانداعا تولەنگەن سالىقتار بالىقشىلار تابىسىنىڭ 25 پايىزىن قۇرايدى. ءتۇسىمنىڭ تاعى 10 پايىزى اپپاراتتار مەن كوممۋنانىڭ قورعانىس كۇشتەرىنە تۇسەدى، ياعني ارال تۇرعىندارى وزدەرىنىڭ بوستاندىعى ءۇشىن تاپقان اقشاسىنىڭ 60 پايىزىن «مەملەكەتكە» تولەۋى كەرەك. ءبىراق كىرىستىڭ قالعان 40 پايىزى دا ولارعا ۆيكتوريا كولىندەگى كورشىلەرىنە قاراعاندا الدەقايدا جاقسى ءومىر سۇرۋگە مۇمكىندىك بەرەدى.

ارالدى كىم باسقارادى؟

ارالدا 5 كافە، سۇلۋلىق سالونى، ءدارىحانا، سونىمەن قاتار بىرنەشە قوناق ءۇي بار. ارال باسشىلارىنىڭ ەرەجەلەرى بويىنشا بەيتانىس ادام مۇندا ءبىر كۇننەن ارتىق تۇرا المايدى.

كوممۋنانى ەكى «ىقپالدى سەناتورلار» تەمبو مەن كيبەبە باسقارادى، بۇعان قوسا تاعى 5 سەناتور (30 جاستان اسقان ەر ادامدار) سايلانادى. شەشىم كوپشىلىك داۋىسپەن قابىلدانادى.

مەملەكەتتىڭ ءوز زاڭى بار

ارالداعى ەڭ قاتاڭ جازا - «مەملەكەتتەن» قۋىپ شىعۋ. ال قامشىمەن ۇرۋ - قاراپايىم جازاعا جاتادى. وسى ۋاقىتقا دەيىن التى قىلمىسكەر ۇرلىعىنا بايلانىستى قۋعىن- سۇرگىنگە ۇشىراعان.

مگينگودان 200 مەتر قاشىقتىقتا ۋسۋينگو ارالى بار. ول جەردە ادام تۇرمايدى. مگينگولىقتاردىڭ پىكىرىنشە، ۋسينگودا «تۋك» دەگەن زۇلىم رۋح ءومىر سۇرەدى. مگينگودان قۋىلعان زۇلىم رۋح - «كالەلە» دە سوندا بارىپ پانا تاپقان ەكەن. ۋسۋينگو دا كەنيا مەن ۋگاندا اراسىنداعى داۋلى ايماق سانالادى.

massaget.kz



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات