07:23, 04 - تامىز 2021 | GMT +6
بەلگيادا 12 جاسار قىز ۆاكسيناتسيا سەرتيفيكاتىن الدى
بريۋسسەل. قازاقپارات - بريۋسسەل قالاسىنىڭ «حەيزەل» ۆاكسينالاۋ ورتالىعىندا 12 جاسار سارا ەسىمدى قىز بالاعا كوروناۆيرۋسقا قارسى ۆاكسينانىڭ وسى مەكەمەدەگى 250 مىڭىنشى ەكپەسى سالتاناتتى تۇردە سالىندى، دەپ حابارلايدى قازاقپاراتتىڭ مەنشىكتى ءتىلشىسى.
دۇيسەنبى كۇنى قالا مەرى فيليپپ كلوۋز سارانى قۇتتىقتاپ، وعان ۆاكسينالاۋ سەرتيفيكاتىن تابىستادى. سالتاناتتى ماراپاتتاۋ راسىمىنەن ۆيدەونى ف. كلوۋز Twitter- دە جاريالادى.
بەلگيادا 12-دەن 15 جاسقا دەيىنگى بالالار ەرىكتى ۆاكسينالاۋدان وتە الادى. ەكپە سالدىرۋ كەزىندە بالانىڭ اتا-اناسىنىڭ (قاراۋشىلارىنىڭ) بىرگە كەلۋى نەمەسە ولاردىڭ جازباشا رۇقساتى تالاپ ەتىلەدى.
2-تامىزدىڭ دەرەكتەرىنە ساي، بەلگيادا 8 ميلليون ادام COVID-19-عا قارسى ۆاكسينانىڭ ءبىرىنشى دوزاسىن العان. ودان بولەك، 7 ميلليونعا (6826579) جۋىق ادام ۆاكسينانىڭ ەكى كومپونەنتىن دە سالدىرعان. بۇل، بەلگيا حالقىنىڭ ەرەسەك بولىگىنىڭ %73,4 جانە
جالپى حالىقتىڭ %59,3 قۇرايدى.
اۆتورى: ارنۇر راحىمبەكوۆ