قازاقپارات كۇنتىزبەسى: 12- ءساۋىر

None
None
نۇر-سۇلتان. قازاقپارات - قازاقپارات وقىرماندار نازارىنا 2020-جىلعى 12- ساۋىرگە ارنالعان كۇنتىزبەنى ۇسىنادى.

اتاۋلى كۇندەر

بۇكىل الەمدىك اۆياتسيا جانە كوسموناۆتيكا كۇنى (حالىقارالىق ادامنىڭ عارىشقا ۇشقان كۇنى)

1961-جىلى 12- ساۋىردە تۇڭعىش عارىشكەر - يۋري الەكسەيەۆيچ گاگارين عارىشقا قازاق جەرىندەگى «بايقوڭىر» عارىش ايلاعىنان ۇشتى.

اۆياتسيا جانە كوسموناۆتيكا كۇنىنە حالىقارالىق مارتەبە 1968-جىلى حالىقارالىق اۆياتسيا فەدەراتسياسىنىڭ كونفەرەنتسياسىندا بەرىلدى.

2011-جىلدان باستاپ وعان تاعى ءبىر اتاۋ قوسىلدى - حالىقارالىق ادامنىڭ عارىشقا ۇشقان كۇنى (International Day of Human Space Flight). 2011-جىلدىڭ 7- ءساۋىرى كۇنى ب ۇ ۇ باس اسسامبلەياسىنىڭ ارنايى پلەنارلىق وتىرىسىندا عارىش كەڭىستىگىن يگەرۋ ىسىندەگى العاشقى قادامعا 50 جىل تولۋىنا وراي ارنايى قارار قابىلداندى. الەمنىڭ 60 تان استام مەملەكەتى وسى قاراردىڭ بىرلەسكەن اۆتورلارى بولدى.

قازاقستاندا عىلىم قىزمەتكەرلەرىنىڭ كۇنى

ەل پرەزيدەنتىنىڭ جارلىعىمەن 2011-جىلى بەكىتىلىپ، 2012-جىلدان باستاپ اتالىپ كەلەدى. قازاقستان رەسپۋبليكاسىنىڭ ۇلتتىق عىلىم اكادەمياسى ەلىمىزدەگى ەڭ جوعارى عىلىمي ۇيىم بولىپ سانالادى. ول 1946-جىلى قانىش ساتبايەۆتىڭ باستاماسىمەن قۇرىلعان.

ەستە قالار وقيعالار

1961-جىلى ۇشقىش-عارىشكەر يۋري الەكسەيەۆيچ گاگارين قازاقستاننىڭ «بايقوڭىر» عارىش ايلاعىنان «ۆوستوك-1» عارىش اپپاراتىمەن اۋەگە كوتەرىلدى.

قىزىلوردا وبلىسى اۋماعىنداعى 5№ پوليگوننان كۇندىزگى ساعات 09:07 دە زىمىران ۇشىرىلىپ، ول جەردەن عارىشقا تۇڭعىش كوسموناۆت يۋري گاگاريندى جەتكىزدى. 115 مينۋتتان كەيىن عارىش اپپاراتى رەسەيدىڭ ساراتوۆ وبلىسى اۋماعىنا قوندى.

1996-جىلى كونسۋلتاتيۆتىك- كەڭەسشى ورگان سانالاتىن قازاقستان رەسپۋبليكاسى پرەزيدەنتى جانىنداعى جوعارى ەكونوميكالىق كەڭەس (ج ە ك) قۇرىلدى. ج ە ك- ءتىڭ نەگىزگى مىندەتتەرى - ستراتەگيالىق سيپاتتاعى الەۋمەتتىك-ەكونوميكالىق پروبلەمالاردى شەشۋ جونىندە ۇسىنىستار ازىرلەۋ، مەملەكەت باسشىسى ءۇشىن ەكونوميكانىڭ، ونىڭ نەگىزگى سالالارى مەن سەكتورلارىنىڭ جاي-كۇيى تۋرالى باياندامالار مەن تالداۋ ماتەريالدارىن دايارلاۋ، مەملەكەتتىڭ الەۋمەتتىك-ەكونوميكالىق ساياساتىنىڭ نەگىزگى باعىتتارى بويىنشا ۇسىنىستار ازىرلەۋ، شەت ەلدەردە، سونىڭ ىشىندە وتپەلى ەكونوميكاسى بار ەلدەردە، ەكونوميكالىق رەفورمالاردى جۇزەگە اسىرۋ تاجىريبەسىن زەردەلەۋ جانە ونى قازاقستاندا قولدانۋ جونىندە ۇسىنىستار دايارلاۋ، مەملەكەتتىڭ ەكونوميكالىق قاۋىپسىزدىگى ماسەلەلەرى جونىندە ۇسىنىستار دايارلاۋ.

2006 -جىلى عارىشتى يگەرۋدىڭ 45 جىلدىعىنا وراي «قازعارىش» پاركى سالىندى. اعاشتاردى وتىرعىزۋعا «قازعارىش» ۇ ق قىزمەتكەرلەرى، عارىش سالاسىنىڭ ارداگەرلەرى قاتىستى.

2010 -جىلى پاۆلوداردا قازاق حالقىنىڭ عۇلاما ۇلى، ەلىمىزدىڭ عىلىم اكادەمياسىنىڭ ءبىرىنشى پرەزيدەنتى قانىش ساتبايەۆتىڭ تۋعان كۇنىنە وراي ەسكەرتكىش اشىلدى. ق. ساتبايەۆتىڭ قولا ءمۇسىنى جەردى بەينەلەيتىن جاسىل تاستى جارتىلاي سفەراعا سۇيەنگەن، قورداي جەرىنەن الىنعان گرانيت تۇعىرعا ورناتىلعان.

باسپالداققا قالانعان تاستار ءارتۇرلى، ولار عالىمنىڭ جەر قويناۋى بايلىعىمەن ءجۇرىپ وتكەن جولىن سيمۆولدىق تۇردە بەينەلەيدى. مونۋمەنتتىڭ بيىكتىگى - 8,5 مەتر.

ەسكەرتكىشتىڭ اۆتورى - ءمۇسىنشى، سۋرەتشىلەر وداعىنىڭ مۇشەسى، شوقان ءۋاليحانوۆ اتىنداعى مەملەكەتتىك سىيلىقتىڭ لاۋرەاتى، اكادەميك ولگا پروكوپيەۆا. تۇرعىرناما جوباسىن بەلگىلى ساۋلەتشى ۆلاديمير كاتسيەۆ جاساعان.

2013 -جىلى تۋريستەر اراسىندا كەڭ تانىلىپ كەلە جاتقان استانا قالاسى الەمدەگى بەدەلدى بۇكىل الەمدىك تۋريستىك قالالار فەدەراتسياسىنا (World Tourism Cities Federation - WTCF) مۇشە بولدى.

پوستكەڭەستىك ەلدەر اراسىندا WTCF- كە ماسكەۋ، مينسك جانە استانا قالاسى عانا مۇشە.

2016 -جىلى «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعام ءوز جۇمىسىن باستادى.

2017 -جىلى «ەگەمەن قازاقستان» رەسپۋبليكالىق گازەتىندە مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى جاريالاندى.

«رۋحاني جاڭعىرۋ» باعدارلاماسىندا اتاپ وتىلگەن 6 باعىت بويىنشا (لاتىن الىپبيىنە كوشۋ، قازاقستاننىڭ كيەلى جەرلەرىنىڭ گەوگرافياسى، قازاق تىلىندەگى 100 جاڭا وقۋلىق، قازاقستانداعى 100 جاڭا ەسىم، تۋعان جەر) ءبىرقاتار جوبالاردى قولعا الۋ قاراستىرىلدى. ونى ىسكە اسىرۋ بويىنشا ۇلتتىق كوميسسيا قۇرىلدى.

2017 -جىلى «بولاشاققا باعدار: رۋحاني جاڭعىرۋ» ماقالاسىندا تۇڭعىش پرەزيدەنت - ەلباسى نۇرسۇلتان نازاربايەۆ قازاق ءتىلىن لاتىن الىپبيىنە كەزەڭ-كەزەڭىمەن كوشۋدى تاپسىردى.

2018 -جىلى يسپانيانىڭ مالاگا قالاسىندا وتكەن ءجۇزۋ سپورتى بويىنشا اشىق چەمپيوناتتا قازاقستاندىق سپورتشىلار جاقسى ونەر كورسەتتى. وليمپيادا چەمپيونى دميتري بالاندين ءۇش التىن، ادىلبەك مۋسين ەكى كۇمىس مەدال، ءادىل قاسقاباي ءبىر كۇمىس جانە ءبىر قولا مەدال، ال ايبەك كامزەنوۆ تاعى ءبىر قولا مەدالدى جەڭىپ الدى.

2019 -جىلى تۇركىستاندا «وقسىز وقيعاسى» انيماتسيالىق فيلمىنىڭ تانىستىرىلىمى ءوتتى. بۇل فيلمدە الەمگە ايگىلى عۇلاما ءال-فارابيدىڭ بالالىق شاعى، بىلىمگە دەگەن العاشقى قادامى، جاڭاشىلدىققا دەگەن ۇمتىلىسى سيپاتتالادى. ءبىلىمىن ەل يگىلىگىنە جۇمساعان عۇلامانىڭ ءوز ەلىنە دەگەن سۇيىسپەنشىلىگى، وتانعا قىزمەت ەتۋدەگى قايراتكەرلىگى سۋرەتتەلگەن. تاريحي دەرەكتەرگە سۇيەنسەك، ءال-فارابي قازىرگى وتىرار اۋدانى اۋماعىنداعى وقسىز قالاشىعىندا دۇنيەگە كەلگەن. سوندىقتان فيلمنىڭ اتى دا «وقسىز وقيعاسى» دەپ قويلىعان. 3D فورماتتا ازىرلەنگەن فيلمنىڭ ۇزاقتىعى - 25 مينۋت. رەجيسسەرى - نۋريددين پاتتەيەۆ، سەناريىن جازعان باقىتجان قۇلجاباي، كومپوزيتورى ايتەكە كوپتىلەۋ، قويۋشى سۋرەتشىسى سامات نۇراليەۆ.

سوڭعى جاڭالىقتار