تىكۇشاقتى 12 جىلدان بەرى تىزگىندەپ كەلەدى: قازاق قىزى قالاي ۇشقىش اتانعانىن ايتىپ بەردى

None
None
الماتى. قازاقپارات - پيلوت دەسە بولدى، كوبىمىز شتۋرۆال ۇستاعان ەر ادامدى ەلەستەتەمىز. بۇل زاڭدى دا.

BBC.com دەرەگىنە سۇيەنسەك، بۇكىل الەم بويىنشا ايەلدەر ۇشقىشتاردىڭ تەك 5 پايىزىن عانا قۇرايدى ەكەن. سودان دا بولار ەرلەر عانا ۇشاق تىزگىندەي الادى دەگەن پىكىر قالىپتاسقان. وسىنداي تەگەۋرىندى ستەرەوتيپتى بۇزىپ جۇرگەن قازاق قىزى - اقەركە شوپاتايەۆا. نازىك جاندى ارۋ قالايشا تىكۇشاقتىڭ پيلوتى اتاندى؟

بۇل جەردە ەر، ايەل دەپ ءبولۋدىڭ ەش قيسىنى جوق. ەكەۋىندە دە بىردەي ورگانيزم. ەر ادام بولا تۇرا ۇشقىش بولا المايتىندار دا كوپ قوي

اقەركەنىڭ ۇشاق باسقارعان تاجىريبەسىنە بيىل 12 جىل تولادى. ءاۋ باستا ول اۆياتسيا سالاسىنان مۇلدەم حابارسىز بولعان. ەستىسە دە قىزىعا قويماعان. 10-سىنىپتا وقىپ جۇرگەن كەزىندە ورىسشا دوساۆ، قازاقشا بۇكىل وداقتىق اۆياتسيا قوعامىنىڭ جارناماسىن كورىپ، سوعان بارىپ كورۋگە بەكىنەدى. ءوزى قازاق مەكتەبىندە ءبىلىم العاندىقتان، ول جاقتاعى ورىسشا ساباقتارعا باستاپقىدا ءبىراز قينالادى. اقەركە سول جەردە العاش رەت ياك-52، ياك-18 ۇشاقتارىنىڭ تەورياسىن ۇيرەنەدى. مەڭگەرگەن ءاربىر جاڭا نارسەسى ونىڭ اۆياتسياعا دەگەن قۇلشىنىسىن ارتتىرا تۇسكەن. كوپ ۇزاماي سپورتتىق ۇشاقتاردى اۋەگە كوتەرىپ، تاجىريبە جيناي باستايدى.

ءبىراق وتباسىنداعى قيىن قارجىلىق احۋال ونىڭ بۇل سالانى ءارى قاراي ۇيرەنە تۇسۋىنە كەدەرگى كەلتىرگەن. كەيىپكەرىمىزدىڭ ايتۋىنشا، ءدال سول ءولىارا كەزدە وعان جول كورسەتىپ، باعىت بەرگەن ۇستازى - ۆاسيلي لەونتيەۆيچ جوۆت بولعان. ۇستازى اقەركەنىڭ ازاماتتىق اۆياتسيا اكادەمياسىنا بارۋىن وتىنگەن.

«سول كىسىنىڭ اقىلىن الىپ، ويلانىپ، اقىرىندا اكادەمياعا وقۋعا ءتۇسىپ كەتتىم. ان-2 ۇشاعىن باسقارۋدى سول جەردە ۇيرەندىم. ۇشاققا ءار كەز مىنگەن سايىن بۇل سالانىڭ ماعان جاقىن بولا تۇسكەنىن بايقادىم. قانداي جاڭالىق بار بولسا سونىڭ ءبارىن ۇيرەنە بەردىم. كۋرسىمىزداعى وزگە كۋرسانتتاردىڭ بارلىعى ەر بالالار دا، قىزداردان مەن عانا ەدىم»، - دەيدى اقەركە.

الايدا وقۋ بىتىرگەن سوڭ جۇمىس تابا سالۋ وڭايعا تۇسپەيدى. رەزيۋمە جىبەرگەن ەشبىر ۇيىم جاۋاپ بەرمەيدى. ءسويتىپ جۇرگەندە «قازاۆياقۇتقارۋ» مەكەمەسىنە ورنالاسىپ، سەرىك قاپاروۆ باسقاراتىن كومپانيادا العاش رەت تىكۇشاق تىزگىنىنە وتىرادى. ءسويتىپ، اقەركەنىڭ ءومىرىنىڭ جاڭا كەزەڭى، مي-8 تىكۇشاعىن باسقارۋ ءساتى باستالادى. ايتۋىنشا، ۇشاق پەن تىكۇشاقتىڭ قۇرىلىمى دا، باسقارۋ جۇيەسى دە وزگەشە. تىكۇشاقتا شتۋرۆال، شاگ- گاز جانە پەدال ۇشتىگىن ءبىرقالىپتى باسقارىپ وتىرۋ كەرەك ەكەن. وسىلايشا، العاشقى رەيسىن شىمكەنتكە ورىندايدى.

«سول كەزدەگى باستان كەشكەن اسەرىمدى سيپاتتاپ ايتۋ وتە قيىن. ءبىر جاعىنان قۋانىپ، ءبىر جاعىنان تولقىپ تۇردىم. بۇل وتە اسەرلى، جاعىمدى سەزىم. وسى سەزىمدى سەزىنۋ ءۇشىن ءاربىر رەيسىمدى اسىعىپ كۇتەمىن»، - دەيدى ول.

اقەركە 12 جىل ىشىندە تىكۇشاق تىزگىندەپ ءجۇرىپ تالاي جاعدايلاردى باستان كەشىرگەن. ونىڭ ءبارىن جىپكە تىزگەندەي ايتا بەرۋ دە قيسىنسىز بولار، دەيدى بويجەتكەن. ويتكەنى مۇنىڭ ءبارى ىستەۋگە ءتيىستى جۇمىسىمىز عوي دەگەن اقەركە شارىن شاتقالىندا قايىقپەن سۋعا اۋدارىلعان تۋريستەردى، تاۋدا قالىپ كەتكەن الپينيستەردى قۇتقارعان ساتتەرى وتە كوپ ەكەنىن ايتادى. ءىرى تاسجولداردا بولاتىن كولىك اپاتتارىنا دا اقەركە ءبىرىنشى بولىپ جەتەدى.

«تاۋلى جاقتاردا ۇشقان كەزدە تۋربۋلەنتتى كەڭىستىككە ءتۇسىپ كەتتىك. ونداي كەزدە تىكۇشاق كادىمگىدەي تەڭسەلەدى. بۇل ۋاقىتتا جاڭا ۇشىپ جۇرگەن كەزىم بولعاندىقتان كومانديرگە كەدەرگى كەلتىرمەيىن دەپ وتىردىم. سەبەبى، ونى يگەرۋ وڭاي جۇمىس ەمەس. سول كەزدە كومانديردىڭ: «اقەركە، قازىر مەنىڭ شامام جەتپەي قالسا، سەنىڭ كۇشىڭ كەرەك» دەپ ايتقانى ەسىمدە.

ونداي جاعدايعا تاپ بولعان كەزدە نە جوعارى كوتەرىلۋ كەرەك، نە تومەن ءتۇسۋ كەرەك. تىزگىندى باسقارعان كەزدە ءبارىن ءبىرقالىپتى ۇستاۋ وتە ماڭىزدى. قىرسىققاندا، سونداي كەزدە تۋرا الدىڭنان قۇستار دا شىعا كەلەدى. ولار ءوزى قورىقپايدى، تىكەلەي تىكۇشاققا سوعىلا بەرەدى. ونداي ساتتە اسپاي- ساسپاي، بارىنشا دۇرىس شەشىم قابىلداي ءبىلۋ وتە ماڭىزدى»، - دەيدى ۇشقىش قىز.


اقەركەفوتو: دوسجان بالابەك ۇلى

گرافيككە كەلەر بولساق، وتباسىم، بالا- شاعام بولعاننان كەيىن الىس ساپارلارعا شىعا المايمىن. باسقارۋعا كەلەر بولساق، بۇل ەندى ءاربىر ادامنىڭ قابىلەتىنە بايلانىستى. پروتسەستەگى ەڭ قيىنى - تىكۇشاقتى جەردەن كوتەرىپ الىپ كەتۋ جانە قوندىرۋ اقەركەنىڭ جولداسى دا وسى اۆياتسيا سالاسىندا ەڭبەك ەتەدى. ۇشقىش بويجەتكەن تىكۇشاقتان ۇلكەن ۇشاققا كوشكىسى كەلەتىنىن دە جاسىرمايدى.

«ءيا، ۇلكەن ۇشاقتاردى ۇشىرۋعا قىزىعامىن. ءبىر ەلدەن ەكىنشى ەلگە ۇشىپ بارۋ دەگەن كەرەمەت اسەر بەرەتىنى ءسوزسىز. وعان مەنىڭ تاجىريبەم دە، مۇمكىندىگىم دە جەتەدى دەپ ويلايمىن. ءبىراق سونداي ۇسىنىس جاسالا قالعاننىڭ وزىندە كەلىسپەس ەدىم. سەبەبى، قازىرگى جاعدايىم، جۇمىسىم وزىمە ۇنايدى. ءارى وتباسىمنان دا الشاق كەتكىم كەلمەيدى»، - دەيدى اقەركە.

اقەركە تۇركىستان وبلىسىنىڭ بوگەن اۋدانى تورتكول اۋىلىندا دۇنيەگە كەلگەن. اكەسى - اگرونوم، اناسى قۇرىلىسشى بولعان. بالا كەزىندە الماتىعا كوشىپ كەلىپ، تاۋگۇل ىقشام اۋدانىنداعى №139 -مەكتەپتە ءبىلىم الادى. ءبىرىنشى سىنىپتان باستاپ تاەكۆوندوعا قاتىسىپ، وسى سپورتپەن ۇزدىكسىز اينالىسۋدىڭ ارقاسىندا قارا بەلبەۋ ءبىرىنشى دان يەگەرى اتانعان. ونىڭ سپورتقا دەگەن قىزىعۋشىلىعى مەن جەڭىسكە دەگەن جىگەرى قايسار قىزدىڭ اۆياتسيانى قينالماي تاڭداۋىنا سەبەپ بولعان سياقتى.

اقەركە «قازاۆياقۇتقارۋ» مەكەمەسىندە 2008 -جىلدان بەرى تابان اۋدارماي جۇمىس ىستەپ كەلە جاتىر. وسى ارالىقتا وتباسىن دا قۇرىپ، ءسابيلى بولىپ تا ۇلگەرگەن. قازىر جولداسى ەكەۋى ءۇش بالا تاربيەلەپ وتىر.

Stan.kz



سوڭعى جاڭالىقتار