عالىمدار كەمپىرقوساقتىڭ 12 ءتۇرىن انىقتادى

مامانداردىڭ پىكىرىنشە، جاڭادان انىقتالعان 12 ءتۇر ارقىلى ادامدار كەمپىرقوساقتىڭ قانداي اتموسفەرالىق جاعدايدا پايدا بولعانىن بىلە الادى.

كەمپىرقوساقتاردى جىكتەۋ ءۇشىن ماماندار جۇزدەگەن سۋرەت جيناپ، ولاردى نەگىزگى التى ءتۇستىڭ انىقتىعىنا بايلانىستى 12 توپقا بولگەن. مىسالى، ءبىر كەمپىرقوساقتا جاسىل ءتۇس كورىنبەسە، كەلەسىسىندە كوك جانە سياكوك تۇستەرى بايقالمايدى.

مامانداردىڭ ايتۋىنشا، جۇيەنىڭ قاراپايىمدىلىعى سونشالىق، كەز كەلگەن ادام كەمپىرقوساققا قاراپ، اسپاندا نە بولىپ جاتقانىن بىلە الادى. مىسالى، تۇماندى قىزىل كەمپىرقوساق كۇن شىققان كەزدە جانە تاڭ اتقان كەزدە جاڭبىر تامشىسىنان پايدا بولادى.

سونىمەن قاتار، ماماندار كەمپىرقوساقتى زەرتتەۋ جەردەن باسقا عالامشارلارداعى تىرشىلىكتى انىقتاۋعا مۇمكىندىك بەرەتىنىن ايتتى.