19:09, 17 - قازان 2019 | GMT +6
دونالد ترامپ ءبىر اپتادا 129 رەت وتىرىك ايتقان
نۇر- سۇلتان. قازاقپارات - ترامپ وتىرىك ايتۋدان ءوزىنىڭ رەكوردىن جاڭارتتى. وتكەن اپتادا ا ق ش پرەزيدەنتى دونالد ترامپ 129 جالعان مالىمدەمە جاسادى، دەپ جازادى CNN.
بۇعان دەيىن The Washington Post دونالد ترامپتىڭ پرەزيدەنتتىككە سايلانعاننان بەرگى ۋاقىتتا ايتقان جالعان اقپاراتتارىن ساناپ جۇرگەن ەدى. CNN وسى جىلدىڭ شىلدە ايىنان باستاپ ساناق جۇرگىزە باستادى. باسىلىمنىڭ ەسەپتەۋىنشە، دونالد ترامپ وتكەن اپتادا ءوزىنىڭ رەكوردىن جاڭارتىپ، ءبىر اپتادا 129 رەت وتىرىك ايتقان.
«وتكەن اپتادا ا ق ش پرەزيدەنتى دونالد ترامپ كۇنىنە 18 جالعان اقپارات ايتقان. سونىڭ ناتيجەسىندە ونىڭ ارتىنان ەرگەن الەۋمەتتىك كونسەرۆاتورلار، تىلشىلەر مەن تۆيتتەردەگى جاقتاستارى دا جالعان مالىمەتتەر لەگىنە ەنىپ كەتكەن» ، دەپ جازادى باسىلىم. اۆتوردىڭ حابارلاۋىنشا، ترامپ بۇعان دەيىن 14 اپتادا 90 جالعان مالىمەت ايتقان.