ءۇش جىلدا 126 ميلليون تەڭگە جىمقىرعان اسكەري ءبولىم باسشىلارىنا ۇكىم شىقتى

None
None
نۇر-سۇلتان. قازاقپارات - پاۆلودار قالاسىنداعى شەكارا قىزمەتى 2033№ اسكەري ءبولىمىنىڭ قارجى ءبولىمىنىڭ باستىعى مەن ارىپتەستەرى 126,5 ميلليون تەڭگە جىمقىرعانى ءۇشىن باس بوستاندىعىنان ايىرىلدى، دەپ حابارلايدى قازاقپارات ءتىلشىسى.

ق ر سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى قايسار بارجاقسىنوۆ Antikor اقپارات الاڭىندا وسىلاي دەپ ءمالىم ەتتى.

«2021-جىلعى 27- قىركۇيەكتە سەمەي گارنيزونى اسكەري سوتىنىڭ ۇكىمىمەن بيۋجەت قاراجاتىن جىمقىرعانى ءۇشىن پاۆلودار قالاسىندا ورنالاسقان شەكارا قىزمەتىنىڭ 2033 اسكەري ءبولىمى قارجى ءبولىمىنىڭ باستىعى، مايور جۋانىشبايەۆ 10 جىل مەرزىمگە باس بوستاندىعىنان ايىرىلدى. وسى ۇكىممەن قارجى ءبولىمى باستىعىنىڭ اعا كومەكشىسى، اعا لەيتەنانت بيگەلدينوۆ 8 جىلعا باس بوستاندىعىنان ايىرىلدى. سونداي-اق، قارجى ءبولىمىنىڭ بۋحگالتەرى ەسەنتايەۆا 4 جىلعا سوتتالدى»، - دەدى اگەنتتىكتىڭ اسا ماڭىزدى ىستەر جونىندەگى تەرگەۋشىسى.

ونىڭ سوزىنشە، كۇدىكتىلەر ءۇش جىلدىڭ ىشىندە اسكەريلەردىڭ تۇرمىس جانە ءىس-ساپار شىعىندارىنا دەپ بولىنگەن 126,5 ميلليون تەڭگەنى جىمقىرعان.

«اتالعان ادامدار 2015-2018-جىلدار ارالىعىندا اسكەري قىزمەتشىلەردى تۇرمىس شىعىندارى مەن ءىس-ساپار شىعىستارىن ەسەپتەۋ جانە ولاردى كەيىننەن بەرۋ ارقىلى جالپى سوماسى 126,5 ميلليون تەڭگە بيۋجەت قاراجاتىن جىمقىردى دەپ ايىپتالعان. جۋانىشبايەۆ پەن بيگەلدينوۆ ءومىر بويى مەملەكەتتىك قىزمەتتە قىزمەت اتقارۋ قۇقىعىنان، سونداي-اق اسكەري اتاقتارىنان ايىرىلدى. ەسەنتايەۆا 8 جىل مەرزىمگە ماتەريالدىق جاۋاپكەرشىلىككە بايلانىستى قىزمەتپەن اينالىسۋ قۇقىعىنان ايىرىلدى. ۇكىم زاڭدى كۇشىنە ەنگەن جوق»، - دەدى قايسار بارجاقسىنوۆ.

سوڭعى جاڭالىقتار