قازاقپارات كۇنتىزبەسى: 11- ءساۋىر

اتاۋلى كۇندەر

پاركينسون دەرتىمەن كۇرەسۋدىڭ بۇكىل الەمدىك كۇنى

بۇل كۇن دۇنيەجۇزىلىك دەنساۋلىق ساقتاۋ ۇيىمىنىڭ باستاماسىمەن 1997-جىلدان بەرى اتالىپ وتىلەدى. اۋرۋعا ونى كلينيكالىق تۇرعىدا انىقتاعان دارىگەر دجەيموس پاركينسوننىڭ ەسىمى بەرىلگەن. پاركينسون دەرتى - ورتالىق جۇيكە جۇيەسىنىڭ اۋرۋى.

قازاقستاندا بۇل اۋرۋدى ەمدەۋ 2013-جىلى جۇيەلى تۇردە قولعا الىنعان. استاناداعى نەيروحيرۋرگيا ورتالىعى مەن پرەزيدەنتتىك اۋرۋحانادا ناۋقاستىڭ ميىنا ەلەكترود ورناتۋ ارقىلى وپەراتسيا جاسالادى.

پاركينسون اۋرۋىمەن ادەتتە 60 جاستان اسقان ادامدار اۋىرادى. الايدا، سوڭعى جىلدارى سىرقاتتانعان جاستار دا انىقتالا باستادى. ادام ميىنا ورناتىلاتىن قۇرىلعىنى ءار 5 جىل سايىن اۋىستىرىپ وتىرۋدى قاجەت ەتەدى.

حالىقارالىق فاشيستىك كونتسلاگەرلەر تۇتقىندارىن بوساتۋ كۇنى

1945-جىلعى 11- ساۋىردە بۋحەنۆالد كونتسلاگەرىنىڭ استىرتىن كوميتەتى قارۋلى كوتەرىلىس ۇيىمداستىرىپ، تۇتقىندار بوساتىلدى. سول كەزدەن باستاپ بارلىق ەلدە فاشيستىك كونتسلاگەرلەردەگى تۇتقىنداردى بوساتۋدىڭ حالىقارالىق كۇنى اتاپ وتىلەدى.

ەستە قالار وقيعالار

1937-جىلى بالقاش قالاسىنىڭ نەگىزى قالاندى. قاراعاندى وبلىسىنداعى قالا. 1937-جىلدىڭ 11- ساۋىرىندە قازاق ك س ر و ا ك- ءنىڭ شەشىمىمەن پريبالحاشستروي كەنتى بالقاش قالاسى بولىپ وزگەرتىلدى.

2011-جىلى قازاقستان - رەسەي قارىم-قاتىناستارىن دامىتۋعا قوسقان ۇلەسى جانە قازاق مادەنيەتىن رەسەيدە ناسيحاتتاۋداعى بەلسەندى جۇمىسى ءۇشىن قازاق دياسپوراسىنىڭ وكىلدەرى كەڭەس وداعىنىڭ باتىرى باۋىرجان مومىش ۇلىنىڭ 100 جىلدىعى توسبەلگىسىمەن جانە العىس حاتتارمەن ماراپاتتالدى.

قازىرگى كەزدە رەسەيدە 30 دان استام قازاق ۇلتتىق مادەني قوعامدارى قىزمەت ەتەدى.

2013-جىلى ءال-فارابي اتىنداعى قازاق ۇلتتىق ۋنيۆەرسيتەتى ورتالىق ازيا ەلدەرىنىڭ جوعارى وقۋ ورىندارى اراسىندا حالىقارالىق ۋنيۆەرسيتەتتەر رەكتورلارى قاۋىمداستىعىنىڭ International Association of University Presidents (IAUP) قۇرامىنا ەنگەن بىردەن-ءبىر جوعارى وقۋ ورنى بولدى. بۇل تۇراقتى دامۋ، عىلىم جانە يننوۆاتسيا، ادام كاپيتالى جانە ت. ب. سالاسىنداعى قاۋىمداستىقتىڭ قولداۋىمەن وتكىزىلەتىن ءىس-شارالاردىڭ تولىققاندى قاتىسۋشىسى جانە باستاماشىسى بولۋعا مۇمكىندىك بەرەدى.

2014-جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جارلىعىمەن ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىن استانا قالاسىنا كوشىرۋ تۋرالى شەشىمى قابىلداندى.

2016-جىلى ب ۇ ۇ عارىش زەرتتەۋشىلەرىنىڭ كەلەشەك ۇرپاققا ارنالعان جولداۋ-البومىن جاريالادى. ونىڭ ىشىندە قازاق عارىشكەرى توقتار اۋباكىروۆتىڭ قولىمەن «شەكاراسىز الەم!» دەپ جازىلعان قىسقا جازبا دا بار.

2017-جىلى ساۋد ارابياسىنىڭ كورولى سالمان يبن ابدۋل-ءازيز ءال-ساۋد ەلباسى نۇرسۇلتان نازاربايەۆقا قاعبا تاسىنا جاباتىن ءداستۇرلى جىبەك ماتانىڭ بولشەگىن تاپسىردى. قاعبانى جابۋعا ارنالعان ماتا قارا جىبەكتەن جاسالىپ، التىن ءتۇستى جىپتەرمەن ورنەكتەلەدى. ول قاعبا قابىرعالارىن جاۋىپ تۇرادى، ۇزىندىعى - 41 مەتر. قازىرگى تاڭدا ول جىلىنا ءبىر رەت اۋىستىرىلادى.

2017-جىلى قاراعاندىلىق جاس اكروبات سپورتشىلار نيكيتا اموسكين مەن اناستاسيا دولگانيۋك پۋۋرس قالاسىندا (بەلگيا) وتكەن سپورتتىق اكروباتيكادان حالىقارالىق تۋرنيردە ارالاس جۇپتار جارىسىندا التىن مەدال جەڭىپ الدى. جارىسقا انگليا، بەلگيا، بەلارۋس، گەرمانيا، يتاليا، يزرايل، يسپانيا، قازاقستان، ك ح د ر، نيدەرلاندى، پولشا، پورتۋگاليا، رەسەي، ا ق ش، ۋكراينا، شۆەيتساريا سياقتى 16 ەلدىڭ سپورتشىلارى قاتىستى.

2019-جىلى جاس وسپىرىمدەر مەن بويجەتكەندەر اراسىندا اۋىر اتلەتيكادان وتكەن قازاقستان چەمپيوناتىندا قاراعاندى وبلىستىق كەشەندى سپورت مەكتەبىنىڭ وكىلى، حالىقارالىق دارەجەدەگى سپورت شەبەرى ارتەم انتروپوۆ 96 ك گ سالماق دارەجەسىندەگى جاس وسپىرىمدەر اراسىندا جۇلقي كوتەرۋدە - 155 ك گ، وقىس سەرپۋدە - 205 ك گ جانە قوسسايىس بويىنشا - 360 ك گ كوتەرىپ، جەتى مارتە قازاقستان رەكوردىن جاسادى.

2019-جىلى بەيجىڭدە اشىلعان «جىبەك جولى بويىنداعى مەملەكەتتىك مۋزەيلەردىڭ يگىلىگى» كورمەسىنە «التىن ادام» مەن قازاقستان ۇلتتىق مۋزەيىنىڭ باسقا دا جادىگەرلەرى قويىلدى. جادىگەرلەر ق ح ر- داعى ەڭ ءىرى جانە الەمدە ادامدار ەڭ ءجيى باراتىن مۋزەي - قىتاي ۇلتتىق مۋزەيىندە ۇسىنىلدى.