پاۆلوداردا كوروناۆيرۋس جۇقتىرعان 11 ناۋقاستىڭ جاعدايى اۋىر

None
None
پاۆلودار. قازاقپارات - پاۆلوداردا COVID-19 عا قارسى ءىس-قيمىل جونىندەگى وبلىستىق شتابتىڭ وتىرىسى ءوتتى، دەپ حابارلايدى قازاقپارات ايماق اكىمدىگىنىڭ باسپا ءسوز قىزمەتىنە سىلتەمە جاساپ.

وتكەن تاۋلىكتە پاۆلودار وبلىسىندا كوروناۆيرۋس جۇقتىرعان 106 ادام تىركەلدى. ءبىر ناۋقاستىڭ وقشاۋلانعانعا دەيىنگى جۇقتىرۋ كوەففيتسەنتى (RT) - 1,09. توسەك-ورىن جۇكتەمەسى - 22,91%.

دەنساۋلىق ساقتاۋ باسقارماسىنىڭ باسشىسى ايدار سەيىتقازينوۆتىڭ حابارلاۋىنشا، وبلىستا COVID-19 دياگنوزى بويىنشا ەمدەلىپ جاتقان 11 ناۋقاستىڭ جاعدايى اۋىر، ونىڭ ۇشەۋى وكپەنى جاساندى جەلدەتۋ اپپاراتىنا قوسىلعان. سونىمەن قاتار، ايدار سەيىتقازينوۆ كۆي جانە پنيەۆمونيادان امبۋلاتورلىق ەم الىپ جۇرگەن ناۋقاستاردى ەمدەۋ بارىسى تۋرالى اقپارات بەردى.

ونىڭ ايتۋىنشا، دارىگەرلەر مەن ۇيدە ەمدەلىپ جاتقان پاتسيەنتتەر اراسىندا ورناتىلعان بەينەبايلانىس تيىمدىلىگىن دالەلدەپ وتىر.

وبلىس اكىمى ءابىلقايىر سقاقوۆ بەينەبايلانىس ءادىسىن جالعاستىرۋدى جانە جەتىلدىرۋدى تاپسىردى.

سونىمەن قاتار ءوڭىر باسشىسى ديسپانسەرلىك ەسەپتە تۇرعان پاتسيەنتتەرگە ەرەكشە نازار اۋدارۋ قاجەتتىگىن اتاپ ءوتتى.

- دارىگەرلەر باسقا اۋرۋى بار ناۋقاستارعا ەرەكشە نازار اۋدارۋى ءتيىس - ءار ەمحانا تۇرعىسىنان ولار كوپ ەمەس. امبۋلاتورلىق ەم الىپ جاتقان پاتسيەنتتىڭ جاعدايى ناشارلايتىن بولسا، سايكەسىنشە سول ەمحانانىڭ بۇكىل جۇمىسىنا تومەن باعا بەرىلەدى، - دەدى اكىم.

شتاب وتىرىسىندا رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ وكىلدەرى وبلىستاعى ەپيدەميولوگيالىق جاعدايعا باعا بەردى. ورتالىق ءبولىمىنىڭ مەڭگەرۋشىسى يرينا ناگورنايانىڭ ايتۋىنشا، تۇماۋ مەن جرۆي ءورشىپ تۇرعاندا ەپيدەميولوگيالىق جاعدايدىڭ جاقسارۋى ەكىتالاي.

ولار جۇرگىزگەن ساراپتاما قازىر پاۆلودار وبلىسىندا جاعداي تۇراقتى ەكەنىن كورسەتىپ وتىر.

«1- جەلتوقساندا الىنعان اقپارات بويىنشا ينفەكتسيالىق ناۋقاستارعا ارنالعان توسەك- ورىننىڭ %34 جانە كارانتين توسەگىنىڭ %3 پايدالانىلىپ جاتىر. دەنساۋلىق ساقتاۋ جۇيەسىنىڭ دە جۇكتەمەسى وسىعان سايكەس. دەگەنمەن ساق بولۋ كەرەك، سۋىقپەن بىرگە تۇماۋ مەن ج ر ۆ ي- دىڭ دا كۇشەيۋى ابدەن مۇمكىن»، - دەيدى يرينا ناگورنايا.

جەدەل شتاب وتىرىسى كەزىندە وبلىس اكىمى كۆي جۇقتىرعان ناۋقاستارمەن بايلانىستا بولعان ادامداردىڭ سانيتارلىق تالاپتى ساقتاۋىن باقىلاۋدى كۇشەيتۋدى تاپسىردى. سونىمەن قاتار، ءابىلقايىر سقاقوۆ مونيتورينگ توپتارىنىڭ شاعىن جانە ورتا بيزنەس سۋبەكتىلەرىنە قاتىستى امالدارى ەسكەرتۋ سيپاتىندا بولۋى ءتيىس ەكەنىن ەسكەرتتى.

سوڭعى جاڭالىقتار