تالدىقورعاندا ەر ادام كوشەدەن تاۋىپ العان 11 تاپانشا مەن 1 اۆتوماتتى پوليتسياعا تاپسىرعان

None
None
تالدىقورعان. قازاقپارات - الماتى وبلىسىنىڭ 40 جاستاعى تۇرعىنى قاڭتار ايىنىڭ باسىندا ورىن العان جاپپاي تارتىپسىزدىك كەزىندە تالدىقورعان قالاسىنىڭ كوشەلەرىنىڭ بىرىنەن بىرنەشە قارۋ- جاراق تاۋىپ الىپ، ەرىكتى تۇردە پوليتسيا ورگاندارىنا تابىس ەتكەن، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قۇقىق قورعاۋ ورگاندارىنىڭ ەسكەرتۋلەرىن باسشىلىققا العان تۇرعىن تەكسەرۋدەن كەيىن جاۋاپكەرشىلىكتەن بوساتىلدى.

«بارلىق تۇرعىنداردى تاۋىپ العان زاڭسىز قارۋ- جاراقتاردى ەش ويلانباستان پوليتسياعا تاپسىرۋعا شاقىرامىن. وسى ارەكەتتەرىڭىز سىزدەرگە سوتقا دەيىنگى تەرگەۋ امالدارى كەزىندە كوپ كومەك كورسەتەدى. مەن ىشكى ىستەر مينيسترلىگىنىڭ تۇرعىندارعا جولداعان ۇندەۋىن ەسكەرىپ، 5 - قاڭتاردا تالدىقورعان قالاسىنداعى جاپپاي تارتىپسىزدىك كەزىندە تاۋىپ العان 11 تاپانشا مەن 1 دانا اۆتوماتتى جاعداي تۇراقتالعان سوڭ ءتارتىپ ساقشىلارىنا تابىستادىم. وسى ارقىلى بارلىق جاۋاپكەرشىلىكتەن بوساتىلدىم»، - دەيدى تۇرعىن ءوز ۇندەۋىندە.

ەستەرىڭىزگە سالا كەتەيىك، بۇعان دەيىن ق ر ىشكى ىستەر مينيسترلىگى ەلىمىزدىڭ تۇرعىندارىنا زاڭسىز ساقتالعان اتىس قارۋى مەن وق- دارىلەردى ءوز ەركىمەن تاپسىرۋ تۋرالى ۇندەۋ جاريالاعان بولاتىن. ءتارتىپ ساقشىلارى ەلدەگى جاپپاي تارتىپسىزدىكتەر بارىسىندا ۇرلانعان قارۋ مەن وق- دارىلەر زاڭسىز ماقساتتار ءۇشىن پايدالانۋى، سونداي- اق ازاماتتاردىڭ ءومىرى مەن دەنساۋلىعىنا قاۋىپ ءتوندىرۋى مۇمكىن ەكەنىن ەسكەرتكەن.

«قارۋ مەن وق- دارىلەردى زاڭسىز ساقتاعانى ءۇشىن قىلمىستىق (ق ك 287-بابى - 5 جىلعا دەيىن باس بوستاندىعىنان ايىرۋ) جانە اكىمشىلىك (ق ر ا ق ب ت ك 482-بابى-25 ا ە ك ايىپپۇل) جاۋاپكەرشىلىك كوزدەلگەنىن قاپەرلەرىڭىزگە سالامىز.

زاڭسىز ساقتالعان قارۋدى، وق- دارىلەردى جانە جارىلعىش زاتتاردى ءوز ەركىمەن تاپسىرعان ادامدار، ەگەر ولاردىڭ ءىس- ارەكەتتەرىندە وزگە قىلمىستار قۇرامى بولماسا، قىلمىستىق جانە اكىمشىلىك جاۋاپكەرشىلىكتەن بوساتىلادى» - دەلىنگەن ۆەدومستۆو تاراتقان ۇندەۋدە.

الماتى وبلىسىنىڭ پوليتسەيلەرى ازاماتتاردى زاڭسىز ساقتالعان قارۋدى، وق- دارىلەردى، جارىلعىش زاتتاردى جانە ارنايى قۇرالداردى ءوز ەركىمەن تاپسىرۋعا شاقىرادى. سونىمەن قاتار، قوعامدىق قاۋىپسىزدىك ءۇشىن قارۋلار مەن جارىلعىش زاتتاردى پايدالانباۋدى، ولاردى مۇلدەم تاسىمالداماۋدى، جاۋاپكەرشىلىككە تارتىلماس ءۇشىن بىردەن پوليتسياعا 102 نەمەسە 112 تەلەفوندارى ارقىلى حابار بەرۋدى سۇرايدى.

اۆتور: سامال قابىشيەۆا

سوڭعى جاڭالىقتار