ا ق ش- تا دەمالىس كۇندەرى 10 وڭىردە جاپپاي اتىس بولدى

None
None
ۆاشينگتون. قازاقپارات – ا ق ش- تا دەمالىس كۇندەرى بولعان جاپپاي اتىس سالدارىنان جەتى ادام قازا تاۋىپ، 46 ادام جاراقات الدى، دەپ حابارلايدى قازاقپارات ABC News باسىلىمىنا سىلتەمە جاساپ.

قارۋ قولدانىلعان زورلىق-زومبىلىق مۇراعاتىنىڭ مالىمەتىنشە، جۇمادان جەكسەنبىگە دەيىن ا ق ش- تا كەم دەگەندە 10 جاپپاي اتىس بولعان.

24- ماۋسىمدا ۆيردجينيا شتاتىنىڭ حوۋپەلل قالاسىندا اتىس بولىپ، ەكى جاس ءوسپىرىم قازا تاۋىپ، ەكەۋى جاراقات الدى.

تەرگەۋ ءجۇرىپ جاتىر، قاماۋعا الىنعاندار تۋرالى حابارلانعان جوق.

25- ماۋسىمدا نيۋ-يوركتەگى برۋكليننىڭ بەدفورد-ستيۋيۆەزانت اۋدانىندا ءتورت ادام، ونىڭ ىشىندە ءبىر بالاعا وق تيگەن. وقيعا تۇرعىن ءۇيدىڭ ماڭىندا كاۋاپ ءپىسىرۋ كەزىندە بولعان. سكۋتەر مىنگەن قارۋلى ەكى ادام كەلىپ، ادامدارعا وق جاۋدىرعان. پوليتسيا كۇدىكتىلەردى ىزدەپ جاتىر.

25- ماۋسىم كۇنى حيۋستوندا (تەحاس شتاتى) كامەلەت جاسقا تولماعان ءتورت بالا زارداپ شەكتى، ونىڭ ەكەۋى قايتىس بولدى.

وقيعا جالپى سانى 10 عا جۋىق ادام جينالعان ەكى توپ جاستار اراسىنداعى جانجالدان تۋىنداعان. ەشكىم ۇستالعان جوق.

25- ماۋسىمدا ميننەسوتا شتاتىنىڭ ميننەاپوليس قالاسىنىڭ ورتالىعىنداعى ستوۋن-ارچ كوپىرىنىڭ جانىندا جاپپاي توبەلەس كەزىندە ءتورت ادام، ونىڭ ىشىندە ءۇش جاس ءوسپىرىم وققا ۇشتى.

وقيعا كۋاگەرلەرى وق جاۋدىرعان كۇدىكتى وقيعا ورنىنان كولىككە ءمىنىپ قاشىپ كەتكەنىن ايتتى. ۇستالعاندار تۋرالى حابارلانعان جوق.

ال 26- ماۋسىمدا تەحاس شتاتىنىڭ سان-انتونيو قالاسىنداعى «مانحەتتەن» تۇنگى كلۋبىنىڭ تۇراعىندا اتىس بولىپ، سالدارىنان ءبىر ادام قازا تاۋىپ، ۇشەۋى جارالاندى.

پوليتسيانىڭ مالىمەتىنشە، تارتىپسىزدىك اۋەلى تۇنگى كلۋب ىشىندە باستالعان. قالالىق پوليتسيا اتىس وقيعاسىن تەكسەرىپ جاتىر.

ماۋسىمنىڭ 26 سى كۇنى دجوردجيا شتاتىنىڭ بلەيكلي قالاسىنداعى حالىق تىعىز ورنالاسقان تۇنگى كلۋب پەن قوعامدىق تاماقتانۋ اۋدانىندا اتىس بولىپ، ءبىر ادام قازا تاۋىپ، التاۋى جارالاندى.

اتىسقا نە سەبەپ بولعانى انىقتالىپ جاتىر، ۇستالعاندار جوق.

26- ماۋسىمدا نيۋ-دجەرسي شتاتىنا قاراستى پاتەرسون قالاسىنىڭ كوشەسىندە اتىس سالدارىنان 5 ادام زارداپ شەكتى، ونىڭ ىشىندە ءۇش جاس ءوسپىرىم بار. قىلمىستىڭ سەبەبى انىقتالۋدا. قاماۋعا الىنعاندار جوق.

26- ماۋسىمدا ۆاشينگتون شتاتىنىڭ تاكوما قالاسىندا سەگىز ادام زارداپ شەكتى. پوليتسەيلەردىڭ ايتۋىنشا، مەكەمەنىڭ ارتىنداعى اللەيادا تۋىنداعان جانجال كەزىندە وقتىڭ داۋسى شىققان. زارداپ شەككەندەردىڭ ءبارى ومىرىنە قاۋىپ توندىرمەيتىن جاراقات الىپ، اۋرۋحاناعا جاتقىزىلدى. ەشكىم قاماۋعا الىنعان جوق.

26- ماۋسىمدا تەحاس شتاتىنىڭ ۆاينونا قالاسىندا ءبىر توپ ادام اراسىنداعى اتىس سالدارىنان بەس ادام زارداپ شەكتى، ولاردىڭ بىرەۋىنىڭ جاعدايى اۋىر.

تەرگەۋ بارىسىندا اتىس كەڭ جايىلىمدا بولعان شارانىڭ كونسەرتتىك ساحناسى ماڭىنداعى توبەلەستەن باستالعانى انىقتالدى.

العاشقى اتىستان كەيىن توپتاردىڭ كەيبىرى جۇگىرىپ بارىپ، كىرە بەرىستەگى كۇزەتشىلەرگە تاپسىرعان قارۋىن الدى. كەيىن ەكىنشى اتىس بولدى.

26- ماۋسىمدا ۆيردجينيا شتاتىنىڭ ساتەرلين قالاسىندا 100 دەن استام ادام قاتىسقان ساۋىق كەشىندە اتىس بولىپ، سالدارىنان ءبىر ادام قازا تاۋىپ، جەتەۋى جارالاندى.

اتىستىڭ سەبەبى ءالى انىقتالۋدا. قاماۋعا الىنعاندار جوق.

سوڭعى جاڭالىقتار