قازاقپارات كۇنتىزبەسى: 10- ءساۋىر

اتاۋلى كۇندەر

حالىقارالىق باۋىرلار كۇنى

1998-جىلدان بەرى اعا-اپكە، ءىنى-قارىنداستار كۇنى بۇكىل الەمدە اتاپ وتىلەدى. العاشقىدا بۇل مەيرام ا ق ش- تا باستاۋ الدى.

كەيىننەن جەر بەتىنىڭ كوپتەگەن حالىقتارىنا تاراپ، ءۇندىستان، قىتاي، ەۋروپا، افريكا ەلدەرىنە دەيىن جەتتى. بۇل مەيرام وتباسىلىق، تۋىستىق تامىرلار داستۇرلەرىن جالعاستىرۋ مەن ولاردى ناسيحاتتاۋعا شاقىرادى. حالىقارالىق قارسىلىق قوزعالىسى كۇنى ەكىنشى دۇنيەجۇزىلىك سوعىس كەزىندە (1939-1945) ءۇشىنشى رەيح اسكەرى باسىپ العان اۋماقتارداعى فاشيستەرگە قارسى كۇرەسكەندەردىڭ بارلىعىنا ارنالعان.

قارسىلىق قوزعالىسى نەمىس اسكەرلەرىنە قارسى تۇرعان وككۋپاتسيالانعان اۋماقتاردىڭ تۇرعىندارىنىڭ قاتىسۋىمەن ۇيىمداستىرىلدى.

ەستە قالار وقيعالار

1992-جىلى جامبىل وبلىسىنداعى جۋالى اۋدانىنىڭ ورتالىعى - بۋرنوە اۋىلىنىڭ اتاۋى قازاقستان رەسپۋبليكاسى جوعارعى كەڭەسىنىڭ قاۋلىسىمەن باۋىرجان مومىش ۇلى اتىنداعى اۋىل بولىپ وزگەرتىلدى.

1996 -جىلى الماتىدا ەۋروپالىق كوميسسيا وكىلدىگىنىڭ رەسمي اشىلۋى بولدى.

2002 -جىلى قازاقستان رەسپۋبليكاسىنىڭ اۋماعىندا «كوسموناۆتيكا كۇنى» سەرياسىمەن ەكى پوشتا ماركاسى اينالىمعا شىقتى.

2002 -جىلعى 8-12- ءساۋىر كۇندەرى ارالىعىندا الماتىعا الەمدەگى العاشقى عارىش ساياحاتشىسى دەننيس تيتو ساپارمەن كەلدى. ول ماركالاردىڭ تانىستىرىلىمىنا ارنالعان سالتاناتتى شاراعا قاتىسۋعا نيەت ءبىلدىردى.

ءبىرىنشى ماركادا «سويۋز تم-32» ەكيپاجى عارىشكەر- ۇشقىش تالعات مۇسابايەۆ، بورتينجەنەر يۋريي باتۋرين مەن دەنيس تيتو بەينەلەنگەن. ماركانىڭ سول جاقتاعى استىڭعى بۇرىشىندا «سويۋز ت م-32» كەمەسىنىڭ ەمبلەماسى جانە بارلىق عارىشكەرلەردىڭ اتى-ءجونى بەينەلەنگەن.

ەكىنشى ماركانىڭ ورتاسىندا جەر پلانەتاسى جانە قازاقستانىڭ، رەسەيدىڭ جانە ا ق ش- تىڭ جەلبىرەگەن بايراعى ورنالاسقان.

2006 -جىلى قازاقستاننىڭ ب ۇ ۇ جانىنداعى تۇراقتى وكىلدىگىنىڭ قولداۋىمەن ب ۇ ۇ- نىڭ نيۋ-يوركتەگى شتاب-پاتەرىندە سەمەي پوليگونىندا زارداپ شەككەندەرگە ارنالعان ەۋروپارلامەنت دەپۋتاتى سترۋان ستيۆەنسوننىڭ «ماڭگىلىك قاسىرەت» كىتابى مەن بەلگىلى اكتريسا كيمبەرلي دجوزەف فوتوكورمەسىنىڭ تانىستىرىلىمى ءوتتى.

قازاقستاندا، ونىڭ ىشىندە سەمەي ايماعىندا بىرنەشە رەت بولعان س. ستيۆەنسونعا پوليگون پروبلەماسىنا دەگەن تۇراقتى قامقورلىعى ءۇشىن «سەمەيدىڭ قۇرمەتتى ازاماتى» اتاعى بەرىلگەن.

2008 -جىلى ۇلتتىق بانكتىڭ ورتالىق فيليالىنا «2008-جىلعى وليمپيادا ويىندارى» سەرياسىنىڭ كوللەكتسيالىق شاقاسى كەلىپ ءتۇستى. «بەسسايىس» شاقاسى 925-سىنامالى كۇمىستەن جاسالعان، سالماعى - 31,1 گرام، نومينالى - 100 تەڭگە.

دايىندالۋ ساپاسى - proof. مونەتانىڭ اۆەرسىندە قازاقستاننىڭ ەلتاڭباسى، فۋتبول ستاديونى بەينەلەنسە، ريەۆەرسىندە بەس سپورتتىق ويىننىڭ كورىنىسى مەن ويىندار وتكىزىلەتىن جىلدى بىلدىرەتىن «2008» دەگەن ساندار بەينەلەنگەن. شاقانىڭ قۇنى - 5 مىڭ تەڭگە.

2012 -جىلى قازاقستاندا «Kazakhstan Chosen Music Awards» (كسما) ۋلتراجاڭا مۋزىكالىق جوباسى ىسكە قوسىلدى. بىرەگەي مۋزىكالىق سىيلىق قازاقستاندىق ورىنداۋشىلاردى حالىقارالىق ارەناعا ىلگەرىلەتۋگە باعىتتالىپ وتىر. سىيلىق ينتەرنەت جانە سمس-داۋىس بەرۋ قورىتىندىلارى، حالىقارالىق اۋديتورلىق كومپانيانىڭ شەشىمىمەن، 27 نوميناتسيا بويىنشا تاعايىندالادى. سىيلىقتىڭ لاۋرەاتى ازيا، افريكا، ەۋروپا، ا ق ش- تىڭ ءتۇرلى وڭىرلىك ايماقتارىنىڭ مۋزىكانتتارىمەن بىرلەسكەن كومپوزيتسيالار جازۋ مۇمكىندىگىن الادى.

2014 -جىلى قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىندا قورعاس وزەنىندە «دوستىق» بىرلەسكەن ارالاس گيدروەلەكترستانتسيالارىن سالۋ بويىنشا ىنتىماقتاستىق تۋرالى كەلىسىم بەكىتىلدى.

بىرلەسكەن گيدروتەحنيكالىق قوندىرعىلار ونى تەڭ دارەجەدە يەلەنەتىن قاتىسۋشى مەملەكەتتەردىڭ مەنشىگى بولادى.

2015-جىلى حەلسينكيدە فين تاراپى ەكىنشى دۇنيەجۇزىلىك سوعىس كەزىندە قازا تاۋىپ، فينليانديا اۋماعىندا جەرلەنگەن قازاقستان تۋمالارى، تۇتقىندا بولعان 268 ادامنىڭ تاعدىرى تۋرالى مالىمەتتەردى رەسمي تۇردە جىبەردى.

2017 -جىلى قازاقستاندىق ءانشى ديماش قۇدايبەرگەننىڭ قىتايداعى «Singer-2017» بايقاۋىنىڭ ونىنشى كەزەڭىندە قازاق-قىتاي تىلىندە ورىنداعان «ۇمىتىلماس كۇن» ءانى «ازيانىڭ جاڭا اندەرى» (Freshasia music) رەيتينگىندە ءبىرىنشى ورىنعا شىقتى.

جاڭا رەيتينگتە ديماشتىڭ «ۇمىتىلماس كۇن» ءانى 118400 ۇپاي جيناپ 1- ورىن الدى.

2019 -جىلى شري-لانكادا 18 جاسقا دەيىنگى ازيا چەمپيوناتىندا قازاقستاندىق شاحماتشىلار 9 التىن، 3 كۇمىس جانە 6 قولا مەدال جەڭىپ الدى. تۋرنيرگە الەمنىڭ 23 ەلىنەن 572 سپورتشى قاتىستى.

2019 -جىلى پاريجدە يۋنەسكونىڭ شتاب-پاتەرىندە قازاقستانعا ارنالعان كوركەم كورمە اشىلدى. وندا قازاقستاندىق جاس فوتوسۋرەتشىلەردىڭ - ق ر تۇڭعىش پرەزيدەنتى قورىنىڭ گرانتتارى مەن يۋنەسكونىڭ «The Planet of ART-2018» حالىقارالىق فەستيۆالىنىڭ جاس جەڭىمپازدارىنىڭ سۋرەتتەرى كورسەتىلدى.

2020 -جىلى مەملەكەت باسشىسى قاسىم-جومارت توقايەۆ تۇركىتىلدەس مەملەكەتتەر ىنتىماقتاستىق كەڭەسىنىڭ كەزەكتەن تىس سامميتىنىڭ جۇمىسىنا قاتىستى. بەينەكونفەرەنتسيا فورماتىندا وتكەن وتىرىس «covid-19 پاندەمياسىنىڭ تارالۋىنا جول بەرمەۋ ءۇشىن بىرىگۋ جانە ىنتىمااقتاسۋ» تاقىرىبىنا ارنالدى.

كۇن تارتىبىنە تۇركى كەڭەسىنە قاتىسۋشى ەلدەردىڭ ساۋدا جانە ترانزيتتىك- كولىكتىڭ بايلانىستارىن قامتاماسىز ەتۋ، دەنساۋلىق ساقتاۋ سالاسىنداعى ىنتىماقتاستىق، قاجەتتى كومەك كورسەتۋ ماسەلەلەرى كىردى.

قاتىسۋشىلار كوروناۆيرۋس ينفەكتسياسىنا قارسى كۇرەس جۇرگىزۋ ءۇشىن ۇلتتىق دەڭگەيدە قولدانىلعان شارالار تۋرالى اقپاراتپەن ءبولىستى.