+7 (701) 759 90 19
-20 °С : نۇر-سۇلتان
-2 °С : الماتى
USD 418.67 EUR 507.64
RUB 5.71 CNY 64.74
جاڭالىقتار

نۇر-سۇلتاندا جىل باسىنان بەرى 10 ادام تەررورلىق اكت تۋرالى جالعان حابار بەرگەن

4 جەلتوقسان 21:17
:ءبولىسۋ
نۇر-سۇلتاندا جىل باسىنان بەرى 10 ادام تەررورلىق اكت تۋرالى جالعان حابار بەرگەن

نۇر-سۇلتان. قازاقپارات - ەلوردا پوليتسەيلەرى جارىلعىش قۇرالدار تۋرالى كورىنەۋ جالعان اقپاراتتارعا ەرەكشە نازار اۋدارادى، سەبەبى وسى قىلمىس ءتۇرى ادامداردىڭ ۇرەيىن تۋدىرىپ، مەملەكەتتىك قۇرىلىمداردىڭ كوپتەگەن كۇشى مەن قۇرالدارى جۇمسالادى، دەپ حابارلايدى قازاقپارات نۇر- سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ق ر قىلمىستىق كودەكسىنىڭ 273-بابىنا سايكەس، تەررورلىق ارەكەت تۋرالى كورىنەۋ جالعان اقپارات تاراتقان ادامعا بەس مىڭ ايلىق كورسەتكىش مولشەرىندە ايىپپۇل سالىنادى نەمەسە 5 جىلعا دەيىن باس بوستاندىعىنان ايىرىلۋى مۇمكىن.

ادەتتە مۇنداي قىلمىستى الكوگولدىك ىشىمدىك ىشكەن ەرەسەك ادامدار نەمەسە كامەلەتكە تولماعان بۇزاقى بالالار جاسايدى.

ءبىراق كەي كەزدە «تەلەفون تەرروريستەرى» كەي مەكەمەنىڭ جۇمىسىن توقتاتۋ ماقساتىندا سانالى تۇردە وسىنداي ارەكەتكە بارادى.

ويلانباي ىستەلگەن ارەكەت ءۇشىن قىلمىستىق جاۋاپقا تارتىلۋى مۇمكىن ەكەنىن ەسكەرتەمىز.

استاناداعى پوليتسيا دەپارتامەنتى جىل باستالعالى تەررورلىق ارەكەت تۋرالى كورىنەۋ جالعان اقپارات تاراتۋدىڭ 10 وقيعاسىن تىركەدى.

مۇنداي قىلمىستى جاساعان ادامدار قاماۋعا الىنىپ، بىرنەشە جىلعا باس بوستاندىعىنان ايىرىلدى جانە كەلتىرگەن شىعىندى وتەۋى ءتيىس.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات