قازاقستاننىڭ ەكولوگياسى ناشار 10 قالاسى

2019 -جىلدىڭ قورىتىندىسى بويىنشا اتموسفەرالىق اۋانىڭ ەكولوگيالىق مونيتورينگىنە سايكەس قىرىق بەس (45) ەلدى مەكەن ىشىندە ون (10) قالا اتموسفەرالىق اۋانىڭ جوعارى لاستانۋ دەڭگەيىنە جاتادى. ولار: نۇر- سۇلتان، الماتى، قاراعاندى، تەمىرتاۋ، اتىراۋ، اقتوبە، بالقاش، وسكەمەن، جەزقازعان جانە شىمكەنت قالالارى. سونىمەن قاتار، لاستاۋشى زاتتار شىعارىندىلارىنىڭ ەداۋىر كولەمى پاۆلودار وبلىسىنا تيەسىلى.

قالدىقتاردى وڭدەۋدىڭ تومەن دەڭگەيى ماسەلەسىن جۇيەلى شەشۋ ءۇشىن زاڭنامالىق دەڭگەيدە «Waste to energy» تەحنولوگياسى ەنگىزىلۋدە. بۇل دەگەنىمىز، قوقىستى جاعۋ ارقىلى ەلەكتر ەنەرگياسى وندىرىلەدى، سوسىن ول جالپى ەلەكتر جەلىسىنە ساتىلادى. جاقىندا عانا مەملەكەت باسشىسى ءتيىستى زاڭ جوباسىنا قول قويدى.

تۇرمىستىق قاتتى قالدىقتاردى قايتا وڭدەۋگە باعىتتالعان پيلوتتىق جوبالار ءبىرىنشى كەزەڭدە التى (6) قالادا جۇزەگە اسادى. بۇل اقتوبە، الماتى، اتىراۋ، نۇر- سۇلتان، تاراز جانە شىمكەنت. بۇگىنگى كۇنى ەكولوگيا، گەولوگيا جانە تابيعي رەسۋرستار مينيسترلىگى اكىمدىكتەرمەن بىرلەسىپ، جەر ۋچاسكەلەرى، ينفراقۇرىلىم جانە زاۋىتتاردىڭ قالدىقتارمەن كەپىلدى جۇكتەلۋى ماسەلەلەرىن پىسىقتاپ جاتىر. پيلوتتىق جوبالار ءساتتى ىسكە اسىرىلعان جاعدايدا زاۋىتتار باسقا قالالاردا دا سالىنادى. وسى تەحنولوگيانىڭ ارقاسىندا 2025 -جىلعا قاراي قايتا وڭدەۋ دەڭگەيى وتىز پايىزعا (%30) ، ياعني ورتا ەۋروپالىق دەڭگەيگە جەتەدى.

massaget.kz