زەينەتكەر بەس ساعاتتا 10 كەلى سالماق تاستادى

داعىستاننىڭ ماحاچكالا قالاسىنىڭ تۇرعىنى باگاما ايگۋبوۆ ارىقتاۋدان رەكورد ورناتتى. زەينەتكەر بەس ساعاتتا 9,3 كەلى سالماق تاستاعان. 66 جاستاعى ايگۋبوۆ بەس ساعات بويى ستاديوندى اينالىپ جۇگىرگەن. ءبىراق جۇگىرەر الدىندا سالماعىن ولشەگەندە، تارازى باسى 88 كەلىنى كورسەتكەن. «سپورتشىلاردىڭ كوپشىلىگى ەكى- ءۇش كەلى تاستاي الماي جاتادى. ال مەن ونىڭ مۇمكىن ەكەنىن دالەلدەيمىن»، - دەگەن زەينەتكەردى تولاسسىز جاۋعان جاڭبىر دا رايىنان قايتارا العان جوق.

ءتىپتى سول جەردە كەزەكشىلىك جاساعان دارىگەرلەردىڭ كومەگى دە قاجەت بولمادى. وسى ۋاقىت ارالىعىندا ول 9,3 كەلى سالماق تاستادى. ءسويتىپ وعان رەسەيدىڭ گيننەستىڭ رەكوردتار كىتابىنىڭ سەرتيفيكاتى تابىستالدى. ايگۋبوۆ ءتىس دارىگەرى بولىپ جۇمىس ىستەگەن. ودان بولەك جەكپە- جەك تۇرلەرىنەن رەسەي، ەۋروپا جانە الەم چەمپيوناتتارىنىڭ جەڭىمپازى ءارى جۇلدەگەرى.

www.24.kz