الماتىداعى بلوكبەكەتتە بولعان جول اپاتى: جۇرگىزۋشى 10 جىلعا سوتتالۋى مۇمكىن

«ق ر قىلمىستىق كودەكسىنىڭ 345-بابىنىڭ 4-بولىگى بويىنشا (»الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى«، ابايسىزدا ەكى نەمەسە ودان كوپ ادامنىڭ ولىمىنە الىپ كەلگەن ءىس-ارەكەت) BMW جۇرگىزۋشىسى 7 جىلدان 10 جىلعا دەيىن باس بوستاندىعىنان ايىرىلۋى مۇمكىن، سونداي-اق، ول ءومىر بويىنا كولىك جۇرگىزۋ قۇقىعىنان ايىرىلادى»، - دەدى ادۆوكات.

بورانوۆتىڭ ايتۋىنشا، پوليتسەيلەردىڭ كارانتين كەزىندە قىزمەتتىك مىندەتىن اتقارۋى ايىپتى اۋىرلاتۋعا نەگىز بولمايدى.

ەسكە سالايىق، بۇگىن 25-مامىردا تاڭعى ساعات 05.26 دا BMW ماركالى كولىكتىڭ 1992 -جىلعى جۇرگىزۋشى الماتى وبلىسى قاراساي اۋدانى كوكساي ىقشاماۋدانى قوجابەكوۆ كوشەسىمەن سولتۇستىك باعىتتا كەلە جاتىپ، جاڭا عاسىر كوشەسىنىڭ قيىلىسىندا №4-بلوكبەكەتكە بارىپ سوعىلىپ، ينەرتسيامەن پاترۋلدىك كولىككە سوعىلعان ەدى. سالوندا ەكى پوليتسەي بولعان. كولىكتى ماس كۇيىندە وتىرعان BMW جۇرگىزۋشىسى قاماۋعا الىندا. اتالعان فاكت بويىنشا سوتقا دەيىنگى تەرگەۋ باستالدى.

پوليتسەيلەردىڭ بىرەۋى - 42 جاستاعى اعا لەيتەنانت جاراس جانعازيەۆ، ول العان جاراقاتىنان جەدەل جاردەم كەلگەنگە دەيىن قايتىس بولدى. ول - باتىس قازاقستان وبلىسىنىڭ تۋماسى، ىشكى ىستەر ورگاندارىندا 2001 -جىلدان باستاپ ەڭبەك ەتكەن. ۇيلەنگەن، ارتىندا ەكى قىزى قالدى.

ەكىنشى پوليتسەي - پوليتسيا سەرجانتى داستان ءابدىقانوۆ 1994 -جىلى تۋعان. اۋرۋحانادا قايتىس بولدى. ول - الماتىنىڭ تۋماسى. ىشكى ىستەر ورگاندارىندا 2016 -جىلدان باستاپ ەڭبەك ەتكەن. ۇيلەنگەن، ارتىندا تۋعانىنا ءبىر اي بولعان قىزى قالدى.