10:09, 19 - قازان 2019 | GMT +6
اۋىلدا تۋعان ءار بالاعا 10 مىڭ ەۋرو تولەنبەك
نۇر-سۇلتان. قازاقپارات - فينليانديانىڭ لەستيارۆي اۋىلى دەموگرافيالىق پروبلەمامەن كۇرەسۋ ءۇشىن ءبىر بالاعا 10 مىڭ ەۋرو جاردەماقى تولەۋدى قولعا العان، دەپ جازادى bbc.
«2012 -جىلى بۇل اۋىلدا ءبىر بالا دۇنيەگە كەلگەن. حالىق سانىنىڭ ازايىپ جاتقانىنا الاڭداۋشىلىق بىلدىرگەن بيلىك جاڭا تۋعان ءار بالاعا 10 مىڭ ەۋرو تولەۋ تۋرالى شەشىم قابىلداعان. بۇل باعدارلاما جۇزەگە اسىرىلىپ جاتقان التى جىلدا بالا تۋۋ كورسەتكىشى ارتىپ، بيىل اۋىلدا 14 بالا دۇنيەگە كەلگەن» دەپ جازادى اۆتور.
ونىڭ ايتۋىنشا، جاردەماقى 10 جىل بويى ءبولىپ تولەنەدى.
«دەگەنمەن، جاردەماقى توقتاعان سوڭ اۋىلدان قايتا كوشىپ كەتەتىن حالىق كوپ»، - دەيدى اۆتور.
ايتا كەتۋ كەرەك، فينليانديا حالقىنىڭ ورتاشا جاسى بويىنشا الەمدە كوش باستاپ تۇرعان مەملەكەتتەردىڭ ءبىرى.
اۆتور: ايكۇمىس بولاتبەك