باسقالاردىڭ ويىنا وتە تاۋەلدى ەكەنىڭىزدىڭ 10 بەلگىسى

1. ءسىز وزگەنىڭ قاجەتتىلىگى ءۇشىن وزىڭىزدىكىنەن باس تارتاسىز

ەگەر ءسىزدىڭ ۇنەمى كومەكتەسەتىن، ەشقاشان جولدا قالدىرمايتىن جانە ورتانىڭ كوركى بولا الاتىن بەدەلىڭىز بار بولسا، وسىنىڭ بارىنە قالاي كەلگەنىڭىزدى ءبىر ءسات ويلانىپ كورىڭىز. بالكىم، سول كەزدە اينالاڭىزداعىلاردىڭ ءبارى موينىڭىزعا ءمىنىپ الىپ، اياقتارىن سالبىراتىپ وتىرعانىن بايقارسىز. ويتكەنى ءسىز ءوز جوسپارلارىڭىز بەن ماقساتتارىڭىزدان باس تارساڭىز دا، باسقالاردى قۇتقارۋعا دايىنسىز..

كومەكتەسۋ - دۇرىس. ءبىراق ءوزىڭىز تۋرالى باسقالار جاقسى ويلاسىن دەپ، ءوز-وزىڭىزگە ۇنەمى زيان كەلتىرۋدىڭ قاجەتى جوق. «جوق» دەپ ايتۋدى ۇيرەنىڭىز.

2. ءسىز ۇنەمى ماقتاۋ كۇتەسىز

ءوزىڭىزدى بىرەۋ ماقتاماسا، ەڭبەگىڭىزدىڭ ناتيجەسىنە كوڭىلىڭىز تولمايدى. بۇل جۇمىسقا دا، باسقا دا ءبىرسارىندى دۇنيەلەرگە قاتىستى. مىسالى، ءسىز ايناداعى بەينەڭىزگە كوڭىلىڭىز تولىپ تۇرسا دا، Instagram جەلىسىندە از ۇناتۋ بەلگىسىن جيناعانى ءۇشىن ۇيىڭىزگە كەلىپ، كيىمىڭىزدى اۋىستىرىپ كيەسىز.

ءوزىڭىزدى بوتەن ادامداردىڭ ماقتاۋىنا ەمەس، وبەكتيۆتى كورسەتكىشتەرگە قاراپ باعالاڭىز.

3. باسقالار ءسىزدى قالاي كورگىسى كەلەدى، سولاي بولۋعا تىرىساسىز

«قاشقان قالىڭدىق» ءفيلمىنىڭ ءبىر كورىنىسىندە كەيىپكەر ءاربىر كۇيەۋ جىگىتكە ول ۇناتقان جۇمىرتقادان جاسالعان تاعامدى جاقسى كورەمىن دەپ ايتقان ەكەن. اقىرى سوڭىندا قىزدىڭ ءوزى ءوزىنىڭ نەنى ۇناتاتىنىن تۇسىنبەي قالادى.

ال باسقالاردىڭ پىكىرىنە قاتتى تاۋەلدى ادامنىڭ جاعدايى بۇدان دا قيىن. ەگەر ءسىز ۇنەمى باسقالاردىڭ ويىنان شىعۋعا تىرىسىپ جۇرسەڭىز، وندا ىشكى سەنىمدىلىگىڭىزدى ىزدەپ، ءوزىڭىزدىڭ كىم ەكەنىڭىزدى انىقتايتىن ۋاقىت كەلدى.

4. ءسىز ۇنەمى ءوز ومىرىڭىزگە دەگەن جاۋاپكەرشىلىكتى باسقا ادامدارعا ارتىپ قوياسىز

ءبىر جاعىنان ءبارىنىڭ قيسىنى بار: اينالاداعى ادامداردىڭ ءسىزدىڭ ومىرىڭىزگە قاتتى اسەر ەتەتىنى سونشا، ءسىزدىڭ تابىستارىڭىز بەن ساتسىزدىكتەرىڭىز سولاردىڭ سوزدەرى مەن ارەكەتتەرىنە تاۋەلدى. ءبىراق مۇنداي جاعدايدى جاقسى دەپ ايتۋعا بولماس.

اقىل توقتاتقان ادام ءوز ءومىرىنىڭ جاۋاپكەرشىلىگىن ءوز موينىنا الىپ، ءاربىر ارەكەتىن مۇمكىن بولاتىن قاتەرلەر مەن سالدارلاردى ەسەپكە الا وتىرىپ باعالايدى.

5. ءسىز باسقا ادامنىڭ پىكىرىن سىندارلى بولماسا دا، جۇرەگىڭىزگە جاقىن الاسىز

ءسىز ەلدىڭ بارىنە ۇنايتىن ءجۇز دوللارلىق اقشا ەمەسسىز. ءبىراق كەز-كەلگەن سىننىڭ ءوزى ءسىزدى جولدان شىعارىپ جىبەرە الادى. «بارلىق گۋمانتيتارلىق سالا ماماندارى اقىماقتار» دەگەن ءبىر پىكىردىڭ ءوزى ءسىزدىڭ سۇيىكتى ءىسىڭىزدى تاستاپ، ينجەنەرلىك سالاعا اۋىسىپ كەتۋىڭىزگە جەتكىلىكتى. كەزەكتە تۇرعان كەزدە بىرەۋ «انا مۇرنى ۇلكەن كىسىدەن كەيىنمىن» دەپ ايتسا، ءسىز بىردەن پلاستيكالىق وتاعا اقشا جيناي باستايسىز.

ءسىزدىڭ اينالاڭىزدا تەك اقىلدى ادامدار عانا بار ەمەس. سوندىقتان، كەيبىرەۋلەردىڭ ايتقان كوزدەرىنە ءمان بەرمەي- اق قويساڭىز دا بولادى.

6. ءسىز جالعىزدىقتان قورقاسىز

باسقا ادامداردىڭ پىكىرىنە دەگەن تاۋەلدىلىكتىڭ سالدارىنان ءسىزدىڭ ىشكى باعدارىڭىزدا قيىن جاعداي قالىپتاسادى. سوندىقتان، سىرتقى مودەراتورسىز قالۋ سىزگە ۇرەي تۋدىرادى.

ءوز ويىڭىزدى ءوزىڭىز ءۇشىن ارتىقشىلىق جاساڭىز، سول كەزدە ۇرەيىڭىز دە باسىلادى.

7. ءسىز بىرنارسەنى وزدىگىڭىزدەن ىستەۋگە قورقاسىز

ءسىز جۇمىستاعى ماڭىزدى جوبادان باس تارتاسىز، سۇيىكتى ىسىڭىزگە نەمەسە بيزنەسكە دەگەن يدەيالاردى كەيىنگە قالدىراسىز جانە سوڭعى رەت جاڭا، قىزىقتى ويلاردى قاشان ويلاعانىڭىز ەسىڭىزدە دە جوق. ءسىز ءالسىز جەرىڭىزدى ەلگە جاريا قىلۋى مۇمكىن دەگەن ساتسىزدىك قورقىنىشىمەن جۇرەسىز.

قاتەلەسۋ - قالىپتى جاعداي. ءبىراق تابىسقا جەتۋ ءۇشىن كەيدە تاۋەكەل ەتۋگە دە بولادى.

8. ءسىز باسقالاردىڭ كۇتكەن نارسەسىنە ءوزىڭىزدى جاۋاپتى سەزىنەسىز

باسقاعا تاۋەلدى ادام باسقا ادامداردىڭ كۇتكەن نارسەسىن وزىنىكىندەي قابىلداپ، ويىنىڭ اقتالماي قالۋىنان قاتتى قورقادى. اتا - اناڭىز قالاعاندىقتان، زاڭگەر بولاسىز. دوستارىڭىز ۋاقىتىڭ كەلدى دەگەندىكتەن، ۇيلەنە سالاسىز. ءتىپتى، كافەدە ارىپتەسىڭىز بەرگەن تاعامعا تاپسىرىس بەرەسىز.

باسقا ادامنىڭ كۇتكەن نارسەسى - ءسىزدىڭ ماسەلەڭىز ەمەس.

9. ءسىز باسقا ادامداردىڭ كەڭەسىنسىز شەشىم قابىلداي المايسىز

ەگەر ءسىز جۇمىسىڭىزدى نەمەسە تۇرعىلىقتى جەرىڭىزدى اۋىستىراتىن بولساڭىز، مىندەتتى تۇردە جاقىندارىڭىزدىڭ نە ويلايتىنىن سۇرايسىز. ولاردىڭ ويى جاعدايدى تارازىلاۋعا كومەكتەسەدى. ءبىراق ەگەر كۇندەلىكتى ىستەردىڭ وزىندە باسقا ادامداردىڭ كەڭەسىن قاجەت ەتىپ تۇرساڭىز، بۇل تاۋەلدىلىكتىڭ بەلگىسى.

10. ءسىز سىرتىڭىزدان ەستىگەن سىبىردىڭ ءبارىن وزىڭىزگە قابىلدايسىز

اينالاڭىزداعى ادامدار اڭگىمە ايتىپ، كۇلىپ تۇرسا، سىزگە ءوزىڭىزدى اڭگىمەلەپ جاتقانداي كورىنەدى. ارينە، ادام بولعان سوڭ ءسوز قىلادى، مىنەپ- سىنايدى. ءبىراق كوڭىلىڭىزگە كەلسە دە ايتايىق، كوپ ادامنىڭ سىزدە شارۋاسى دا جوق.
bilim-all.kz