ماحاببات ءۇشىن جاسالعان 10 ەسسىز ارەكەت - فوتو

None
None
نۇر- سۇلتان. قازاقپارات - تاريحقا ۇڭىلسەڭىز قانشاما ادەمى ءارى اسەرلى ماحاببات حيكايالارىن كەزدەستىرۋگە بولادى.

ادامدار ماحاببات ءۇشىن كاسىبىن دە تاستاپ، ءومىرىن دە وزگەرتىپ جاتادى. سەزىم ءۇشىن بولعان ەسسىز ارەكەتتەر مەن كوڭىل تولقىتار ساتتەردىڭ بىرنەشەۋىنە كۋا بولىڭىز.

بۇل تۋرالى adme.ru سايتى حابارلايدى.

بىردە ءبىر برازيليالىق قىز جاڭبىر جاۋىپ تۇرعان ساتتە كوشەگە شىعادى. ءبىراق، اسپاننان جاڭبىر تامشىسى ەمەس ناعىز قىزىل روزا گۇلى جاۋىپ تۇردى. سويتسە، ونى ەسسىز سۇيگەن جىگىت وسىنداي جولمەن سۇيىكتىسىنىڭ كوڭىلىنەن شىققىسى كەلگەن ەكەن. ول قىزدىڭ ءۇيىنىڭ ۇستىنە 100 كەلى روزا گۇلىن جاۋدىرعان.

لوندوندا تۇراتىن كەڭسە قىزمەتكەرى ماحابباتى ءۇشىن ءوزىنىڭ جيناعان اقشاسىنىڭ بارلىعىن جۇمسايدى. 4 ساعاتقا جۋىق ۋاقىت ءاربىر 2 مينۋت سايىن ونىڭ سۇيىكتىسىنە ارناعان جۇرەكتەن شىققان سوزدەرى پيكاديلليدىڭ جاڭالىقتار تابلوسىنا شىعىپ تۇردى.

77

يتاليالىق ۆيكتوريا ەسىمدى قىز ماروككوعا دەمالۋعا كەلىپ، جاس فرانسۋز جىگىتى پاسكالمەن تانىسادى. جىگىت قىزعا ءا دەگەننەن عاشىق بولىپ قالادى. الايدا ۆيكتوريا دەمالىسى اياقتالعان سوڭ دەرەۋ ەلىنە كەتەدى. پاسكال بولسا ءوزىنىڭ سەزىمىن دالەلدەۋ ءۇشىن، يتالياعا قاراي جاياۋ جولعا شىعادى. ول 7 جۇپ اياق كيىم اۋىستىرىپ 2700 شاقىرىم جول جۇرگەن. ونىڭ وسى ءجۇرىسى بەكەرگە كەتكەن جوق: ۆيكتوريا تۇرمىسقا شىعۋعا كەلىسىم بەرگەن.

7777

ول 326 كۇن كورول بولعان. الايدا ونىڭ ءومىرىن قاراپايىم عانا امەريكالىق قىز وزگەرتىپ جىبەردى. ول قىزدى ءسۇيىپ قالىپ، ونىمەن بايلانىسقا شىعۋدى كوزدەيدى. اقىرى تاقتان كەتۋگە دە شەشىم قابىلدايدى. بۇل شەشىمىنە رەنجىگەن وتباسى ودان تەرىس اينالعان. ولار بۋلان ورماندارىندا، ەل كوزىنەن جىراقتا ءومىر سۇرەدى. تەك ءبىر-ءبىرىنىڭ قاسىندا، ەشكىم كەدەرگى كەلتىرمەۋىن قالاپ ادامداردان ساياق عۇمىر كەشەدى.

Безымянный

تاپقىر يتاليالىق ازامات جەدەل جاردەم كولىگىن ايداپ، سۇيىكتىسىنە ايقايلاپ ءان ارناماق بولادى. ءبىراق، كورشىلەرى مۇنىسىن دورەكى دەپ باعالاپ، پوليتسيا شاقىرتقان. ول «نەلىكتەن وسى كولىكتى تاڭدادىڭ» دەگەن سۇراققا، «مەن سەرەنادانى ورىنداۋ ءۇشىن مۋزىكالىق سۇيەمەلدەۋ كەرەك بولدى، ال مەن ەشقانداي اسپاپتا ويناي المايمىن» دەپ جاۋاپ بەرگەن.

58

19 جاستاعى قىتايلىق جىگىت ءبىر قىزعا عاشىق بولادى. ونىڭ تاڭداعانى وزىنەن 10 جاس ۇلكەن بولىپ شىقتى. الايدا، ونىڭ وتباسى بۇل شەشىمىنە تۇبەگەيلى قارسى بولىپ، ءتىپتى مۇنى ەستىگەن كورشىلەرى مەن دوستارى جىگىتپەن مۇلدە ارالاسپاي قويادى. الايدا، جىگىت ەشقايسىنا كونبەي، ءوز سۇيىكتىسىنە بىرگە تاۋعا قاشىپ كەتەيىك دەگەن ۇسىنىس جاسايدى. ءبىر قىزىعى قىز دا بۇعان كەلىسكەن. ەكەۋى وندا ۇڭگىردى ءۇي سەكىلدى لايىقتاپ جاساپ الىپ، 50 جىلدان بەرى بىرگە باقىتتى ءومىر ءسۇرىپ كەلە جاتىر.

74

ماحاببات قىزۋى تەك ەركەككە عانا قاتىستى نارسە ەمەس. امەريكالىق سۋرەتشى قىز 245 كۇن ەرىنبەستەن جىگىتىنىڭ اۋلاسىنداعى گۇلدەردى سالىپ شىققان. مۇنىڭ بارلىعى ءبىر كۇنى تاڭەرتەڭ ويانعان جىگىتتىڭ، تەرەزەسىنەن گۇلدەردەن قۇرالعان پورترەتتى كورۋى ءۇشىن جاسالعان ەدى.

57

نيكو پيروسمان ەسىمدى سۋرەتشى افيشادان ءبيشى مارگاريتا دا سيەۆەردى كورىپ قالىپ، بىردەن عاشىق بولادى. اقىرىندا ونىڭ ماحابباتى ءسات سايىن ءورشىپ ول ەسسىز قادامعا بارادى. ءوزىنىڭ تۋعان كۇنىندە پيروسمان ءوزىنىڭ بارلىق مۇلكىن ساتىپ، تۇسكەن اقشاعا قالاداعى بارلىق گۇلدەردى ساتىپ الادى. گۇلدەردىڭ بارلىعىن توعىز ارباعا تيەپ ونىڭ ۇيىنە اتتاندىرادى. سونشاما كوپ گۇلدى كورىپ تاڭىرقاعان قىز، العىسىن سۋرەتشىنى ءسۇيىپ جەتكىزەدى.

24

كولين ەسىمدى جاس جىگىت اۆتوينسپەكتور بولىپ جۇمىس ىستەيتىن قىزدى جاقسى كورىپ قالادى. الايدا قىز جىگىتتى ەلەي قويمايدى. ءبىراق، كولين مۇنشالىقتى وڭاي بەرىلە سالۋعا كونگىسى كەلمەي، ول بىرنەشە رەت جول ەرەجەسىن ادەيىلەپ بۇزادى. مۇنىڭ ءبارى ينسپەكتور قىزدىڭ ءار ەرەجە بۇزعان سايىن جىگىتكە كەلىپ، ايىپپۇل سالۋى ءۇشىن ەدى. جىگىت، وسى ءادىسى ارقىلى ءوز ارمانىنا جەتىپ، ينسپەكتوردى ايەل قىلىپ الادى. وسى جەتىستىككە جەتۋ ءۇشىن كولينگە بارلىق ايىپپۇلدى وتەپ، 110 ساعات قوعامدىق جۇمىس اتقارۋعا تۋرا كەلگەن.

14

Stan.kz


سوڭعى جاڭالىقتار