الەمنىڭ ەڭ ەرەكشە 10 مەكتەبى

مۇنىمەن قاتار، الەم مەكتەپتەرىنىڭ ءبىر- بىرىنەن ايتارلىقتاي ەرەكشەلەنەتىنىن ايتا كەتۋىمىز كەرەك. مىسالى، ءبىر مەكتەپتە وقۋشىلار ساباققا بارىپ، بارماۋ كەرەكتىگىن ءوزى شەشەسە، ەكىنشى مەكتەپتە الەمنىڭ 12 مەملەكەتىنە قىدىرۋ مۇمكىندىگىنە يە بولادى. نازارلارىڭىزعا وسى سەكىلدى 10 مەكتەپ ۇسىنامىز.

ويىندار مەكتەبى (ا ق ش)

بۇل مەكتەپتى قۇرۋ بارىسىندا وقۋشىلاردىڭ ەكىلىك باعا الىپ، كىتاپ وقۋدى ۇناتپايتىندىعى ەسكەرىلگەن. سول سەبەپتى، مۇنىڭ بارلىعى باعدارلامادان الىنىپ تاستالعان. ءارى ويىندارمەن الماستىرىلعان. بالالار ساباق بارىسىندا ۇنەمى ويدى دامىتاتىن ويىندار وينايدى. جەڭگەن وقۋشىعا بالل بەرىلىپ وتىرادى. پاندەرگە قاتىستى فاكتىلەردى وسىلايشا جاتتايدى.

اشىق كەڭىستىك مەكتەبى (دانيا)

ەڭ الدىمەن، عيمارات قۇرىلىسىنىڭ ەرەكشە ەكەنىن ايتىپ ءوتۋىمىز كەرەك. ىشىندە بولەك- بولەك ورنالاسقان كابينەتتەر جوق. بارلىق مەكتەپ وقۋشىسى ءبىر ۇلكەن زالدا وتىرىپ ساباق وقيدى. ەدەنگە جارقىن ءتۇستى جاستىقشالار قويىلعان. مۇنىمەن قاتار، تولىقتاي ينتەرنەتپەن قامتىلعان. عيماراتتىڭ ديزاينىنە تاڭىرقاماسقا امالىڭىز قالمايدى. ورتادا تۇرعان باسپالداققا شىعىپ، عيمارات ىشىندە ءوتىپ جاتقان ساباقتاردى باقىلاۋعا بولادى.

مۋزىكا مەكتەبى (ا ق ش)

بۇل مەكتەپتە دە ساباق نەگىزگى باعدارلاما بويىنشا جۇرەدى. الايدا وقۋشىلار بار ۋاقىتىن تەك ساباق وقۋعا عانا جۇمسامايدى. ءاربىر وقۋشى بويىندا بۇعىپ جاتقان تالانتىن سىرتقا شىعارىپ، ءبي بيلەپ، ءان ايتىپ ۇيرەنەدى. مىندەتتى تۇردە ءبىر مۋزىكالىق اسپاپتى مەڭگەرەدى. وسىلايشا وقۋشىلار مادەني ءومىردىڭ اتموسفەراسىنا ەنەدى.

الەممەن قارىم- قاتىناسقا ءتۇسۋ مەكتەبى (ا ق ش)

كەز كەلگەن وقۋشى بۇل مەكتەپتە وقي المايدى. جانە بۇعان ءبىلىم مەن يكەمدىلىكتىڭ ەش قاتىسى جوق. بارلىعىن لوتورەيا بيلەتى شەشەدى. ال لوتورەياعا قاتىسۋ ءۇشىن مەكتەپتىڭ رەسمي سايتىنا كىرىپ، انكەتا تولتىرۋ كەرەك. لوتورەيا بىتىسىمەن، باقىتتى جانداردىڭ ەسىمى جاريالانادى. بۇل مەكتەپتەگى ءبىلىمدى نەگىزگى دەپ ايتۋعا كەلمەيدى. وقۋشىلار ءار ساباقتا ەرەكشە كوڭىل كۇيگە بولەنىپ، ءوزىن دامىتۋ مۇمكىندىگىنە يە بولادى. ءبىلىم باعدارلاماسىن ارنايى پسيحولوگ جانە نيەۆرولوگ ماماندار قۇراستىرعان. ولاردىڭ ويىنشا، بالا ءپوزيتيۆتى كوڭىل كۇيدە بولعان كەزدە عانا ماتەريالدى جاقسى قابىلدايدى.

تەرراسەت جەر استى مەكتەبى (Terraset Elementary School PTA (ا ق ش)

رەستون قالاسىنداعى تەرراسەت مەكتەبى شىن مانىندە جەردىڭ استىندا ورنالاسقان. اتالعان مەكتەپ 70 -جىلداردىڭ ورتاسىندا سالىنعان. سول ۋاقىتتا امەريكادا ەنەرگيا جەتىسپەۋشىلىگى بولىپ، ءوزىن- ءوزى جىلىتاتىن مەكتەپ سالۋعا ءماجبۇر بولعان. ال وقۋشىلاردى «جەر استى بالالارى» دەپ اتاۋعا بولادى. ال وقۋ باعدارلاماسى وزگە مەكتەپتەرمەن بىردەي.

كامبودجاداعى جۇزەتىن مەكتەپ

اتالعان وقۋ ورنى سۋدا ورنالاسقان. كامپونگ لۋونگ اۋىلىنىڭ بارلىق ءۇيى سۋ ۇستىندە ورنالاسقاندىقتان، بۇل كورىنىسكە ەشكىم تاڭقالمايدى. مەكتەپتە اتا- اناسى بالىق اۋلاۋ كەزىندە قايتىس بولعان 60 قا جۋىق وقۋشى وقيدى. عيمارات ىشىندە ءبىر عانا سىنىپ بار. وقۋشىلار ول جەردە بوس ۋاقىتتارىن وتكىزەدى. ال مەكتەپكە ارنايى لەگەندەرمەن ءجۇزىپ كەلەدى.

قىتايداعى ۇڭگىر مەكتەپ

1984 -جىلى گۋيچجوۋ پروۆينتسياسىندا سالىنعان. ونى سالۋ ءۇشىن مەملەكەت تاراپىنان ايتارلىقتاي قارجى بولىنبەگەندىكتەن، ۇڭگىردەن جاساۋعا ءماجبۇر بولعان. بۇل جەردە سپورت الاڭى، دەمالىس ورنى، سىنىپتار بار.

massaget.kz