ايدا بالايەۆا «جاس الاش» گازەتىنىڭ 100 جىلدىعىمەن قۇتتىقتادى

None
None
نۇر-سۇلتان. قازاقپارات - بۇگىن اقپارات جانە قوعامدىق دامۋ ءمينيسترى ايدا بالايەۆا «جاس الاش» گازەتى رەداكسياسىنىڭ ۇجىمىمەن كەزدەسىپ، باسىلىمنىڭ 100 جىلدىعىمەن قۇتتىقتادى.

بۇل تۋرالى قازاقپارات اتالمىش ۆەدوموستۆونىڭ باسپا ءسوز قىزمەتىنە سىلتەمە جاساپ حابارلايدى. مينيستر اقپارات سالاسىنىڭ دامۋىنا قوسقان ەلەۋلى ۇلەسى ءۇشىن قايرات ماترەكوۆتى، الماس ءنۇسىپتى، سەيسەن ۇلىقبەك پەن نۇرىمجان ماۋىتوۆتى «اقپارات سالاسىنىڭ ۇزدىگى» توسبەلگىسىمەن ماراپاتتادى جانە «جاس الاش» گازەتىنىڭ باسقا دا قىزمەتكەرلەرىنە قۇرمەت گراموتاسى مەن العىس حاتتارىن تابىستادى.

ا. بالايەۆا گازەتتىڭ 100 جىلدىعىنىڭ قازاقستان تاۋەلسىزدىگىنىڭ 30 جىلدىعىمەن تۇسپا-تۇس كەلۋى بۇل مەرەيلى داتانى اتاپ وتۋگە ەرەكشە ءمان قوساتىندىعىن جەتكىزدى.

«جاس الاش» قازاق باسپا سوزىندە وزىندىك ورنى بار، حالىق سۇرانىسىنا يە شىنشىل باسىلىمداردىڭ ءبىرى»، - دەدى مينيستر. ءىس-شارا سوڭىندا ايدا بالايەۆا باسىلىمنىڭ بارلىق قىزمەتكەرلەرىنە كاسىبي جانە شىعارماشىلىق تابىستار تىلەدى.

سوڭعى جاڭالىقتار