«100 جاڭا ەسىم» جوباسىنا قاتىسىپ جاتقان ارۋلار كىمدەر

«100 جاڭا ەسىم» تىزىمىنە ەنۋگە ءۇمىتتى ارۋلار:

ينديرا ەدىلبايەۆا

ۇلتتىق جوباعا قاتىسۋشىلار اراسىندا قازاقستاندىق ءانشى ينديرا ەدىلبايەۆا بار. بويجەتكەن «ۋكراينا داۋىسى» (2020 ج. ) جانە «قازاقستان داۋىسى» (2015 ج. ) ۆوكالدىق تەليەۆيزيالىق شوۋلارىنىڭ ءفيناليسى بولعان. ول قۇدايبەرگەن جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ اعىلشىن جانە نەمىس تىلدەرى بويىنشا اۋدارما فاكۋلتەتىن بىتىرگەن.

اردانا بوتاي

اعا لەيتەنانت اردانا بوتاي - سۋ-30 س م جويعىش ۇشاعىن تىزگىندەيتىن الەمدەگى جالعىز ارۋ. قازاقستان اۋە قورعانىسى كۇشتەرى قۇرامىندا قىزمەت اتقارىپ جاتقان جىلدار ىشىندە ول ان-26، L-39 جانە سۋ-30 س م ۇشاقتارىن باسقارۋدى مەڭگەرگەن. كۇندەلىكتى ومىردە اردانا مۋزىكا تىڭداعاندى، كىتاپ وقىعاندى جانە سپورتپەن شۇعىلدانعاندى ۇناتادى.

مۋزا شايمەردەنوۆا

مۋزا بۇگىندە حالىقتىڭ وسال توپتارىنىڭ الەۋمەتتىك ماسەلەلەرىن شەشۋگە ەلەۋلى ۇلەس قوسىپ ءجۇر. بىرنەشە جىلدان بەرى قايىرىمدىلىقپەن اينالىسىپ كەلەدى. جاناشىر ادامداردىڭ كومەگىمەن قازاقستاندىق وتباسىلارعا قولداۋ كورسەتىلدى. ناتيجەسىندە، مۇقتاج جاندار ازىق- تۇلىك، ءدارى- دارمەك، جيھاز، تەحنيكا جانە بالالار اربالارىن الدى.

زالينا اليەۆا

بويجەتكەن - «بارت» بي انسامبلىنىڭ، «ۆايناح» شەشەن- ينگۋش ەتنو- مادەني بىرلەستىگى جاستار قاناتىنىڭ جانە باتىس قازاقستان وبلىسى بايتەرەك اۋدانى ميچۋرين اۋىلدىق وكرۋگىندە جاستار كەڭەسىنىڭ جەتەكشىسى. زالينا ءوز سالاسىنداعى ۇزدىك ەرىكتىلەردىڭ قاتارىنا كىرەدى. قازاق، شەشەن، ورىس، اراب جانە گرۋزين تىلدەرىن ەركىن مەڭگەرگەن. بەلسەندى ازاماتتىق ۇستانىمى جانە ۇلكەن قوعامدىق جۇمىسى ءۇشىن كوپتەگەن رەسپۋبليكالىق جانە حالىقارالىق ماراپاتتارعا يە بولعان.

ەۆگەنيا پاۆەل

ەۆگەنيا «Lider.kz» ەرىكتىلەر قوزعالىسىنىڭ ۇيلەستىرۋشىسى. ول ءتۇرلى قوعامدىق جانە قايىرىمدىلىق قورلارىمەن بىرگە كوپبالالى جانە از قامتىلعان وتباسىلارعا، مۇگەدەكتەرگە جانە ومىرلىك قيىن جاعدايعا تاپ بولعان ادامدارعا ازىق- تۇلىك كومەگىن كورسەتەدى. بۇگىندە «سەمەي وتباسى ورتالىعى» قوعامدىق قورىمەن تىعىز جۇمىس ىستەيدى. پاندەميا كەزىندە بەلسەندى ازاماتتىق ۇستانىمىن كورسەتىپ، سۋپەرماركەتتەردە مۇقتاج جاندارعا ارنالعان موبيلدى جەتكىزۋ جانە بۋىپ- ءتۇيۋ توپتارىن قۇردى. سونىمەن قاتار، 1500-دەن استام وتباسىن ازىق- تۇلىك تاۋارلارىمەن، زاتتارمەن، وتىنمەن جانە كومىرمەن قامتاماسىز ەتۋگە كومەكتەستى.

ەۆگەنيا ءتۇرلى ماراپاتتار جانە مەدالدارمەن، سونداي-اق قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ تاعايىنداعان «حالىق العىسى» مەدالىمەن ماراپاتتالدى.

ساتيما احمەتقاليەۆا

1990 -جىلدان ەگىندىكول ورتالىق كىتاپحانا جۇيەسىن باسقارادى. ونىڭ باسشىلىعىمەن ۇيىم اقمولا وبلىسىندا بىرنەشە رەت ۇزدىك بولدى. ادال ەڭبەگى ءۇشىن كوپتەگەن قۇرمەت گراموتالارىمەن، «كىتاپحانا ءىسىنىڭ ۇزدىگى» جانە «كىتاپحانا ءىسىنىڭ ارداگەرى» بەلگىلەرىمەن ماراپاتتالعان. ۇزاق جىلدار بويى قازاقستان حالقى اسسامبلەياسىنىڭ اقمولا فيليالىنىڭ مۇشەسى بولىپ كەلەدى.

دينا سىرعابايەۆا

«Qareket جاقسىلىق جاسا» قوعامدىق قورىنىڭ نەگىزىن قالاۋشى جانە جەتەكشىسى. الەۋمەتتىك كاسىپكەرلىك سالاسىندا 20 جىلدىق جۇمىس تاجىريبەسى بار. قىزمەت ەتكەن جىلدارى تاۋارلار مەن قىزمەتتەر ءوندىرىسىن، سونداي- اق وتكىزۋ نارىعىن جولعا قويدى. پاندەميا كەزىندە قور قۇرعان ارنايى توپ 3000 قولعاپ تاراتتى.

دينا سىرعابايەۆا مەن ونىڭ سەرىكتەستەرى ەلىمىزدىڭ ءار وڭىرىنەن 1000-نان استام مۇقتاج ايەلدى جۇمىسپەن قامتاماسىز ەتتى.

سونىمەن قاتار، ولار «تىگىن جانە اسپازدىق شەبەرلىك» ونلاين- مەكتەبىن ۇيىمداستىردى. سىنىپتا وقۋشىلار جارتىلاي فابريكاتتار دايىنداۋدى، كيىم مەن توقىما تىگۋدى ۇيرەندى. بۇعان دەيىن «قازاقستاننىڭ 100 جاڭا ەسىمى» جوباسىنىڭ 4 -كەزەڭىنە ءوتىنىم قابىلداۋ باستالعانىن جازعان بولاتىنبىز. وتىنىمدەر 2021 -جىلدىڭ 22 -اقپانىنان 15 -ناۋرىزىنا دەيىن 100janaesim.ruh.kz سايتىندا قابىلدانادى.