ەلىمىزدە ازىق- تۇلىك باعاسى ءبىر جىلدا %10,7 ءوستى

نان ونىمدەرى جانە جارمالار، ەت، بالىق جانە تەڭىز ونىمدەرى، ءسۇت ونىمدەرى، جۇمىرتقا، ماي جانە توڭماي، كونديتەرلىك ونىمدەر، جەمىستەر، كارتوپ، الكوگولسىز سۋسىندار جانە الكوگولدى ىشىمدىكتەر قىمباتتادى، ال قانت، جاڭا جينالعان كوكونىستەر ارزاندادى.

2020 -جىلعى مامىردا جارما ونىمدەرى توبىندا قاراقۇمىق جارماسىنا ورتاشا باعاسى كيلوگرامىنا 356 تەڭگە (2019 -جىلعى مامىردا - 244 تەڭگە)، سۇلى جارماسىنا - 364 تەڭگەنى (338 تەڭگە)، سوك - 370 تەڭگە (307 تەڭگە)، كۇرىش 373 تەڭگە (337 تەڭگە) بولدى.

قۇمشەكەردىڭ ورتاشا باعاسى 2020 -جىلعى مامىردا كيلوگرامىنا 211 تەڭگە بولسا، ال 2019 -جىلعى مامىردا 245 تەڭگە بولعان.

2020 -جىلعى مامىردا ەت جانە ەت ونىمدەرىنەن سيىر ەتىنىڭ جاۋىرىن- ءتوس بولىگىنە ورتاشا باعا كيلوگرامىنا 1894 تەڭگەنى (2019 -جىلعى مامىردا - 1605 تەڭگە)، سۇيەگى بار قوي ەتىنە - 1871 تەڭگەنى (1548 تەڭگە)، سۇيەگى بار جىلقى ەتىنە - 2166 تەڭگەنى (1827 تەڭگە)، شوشقا ەتىنىڭ جاۋىرىن بولىگىنە - 1534 تەڭگەنى (1355 تەڭگە)، شالا ىستالعان شۇجىققا - 2220 تەڭگەنى (2079 تەڭگە)، تاۋىقتىڭ سان ەتىنە - 849 تەڭگەنى (761 تەڭگە) قۇرادى.