قازاقستاندا جوعارى نەمەسە ارنايى ءبىلىمى جوق 1,7 ميلليون جۋىق ادام جۇمىس ىستەيدى

None
None
نۇر- سۇلتان. قازاقپارات - قازاقستاندا جوعارى نەمەسە ارنايى ءبىلىمسىز 1,7 ميلليونعا جۋىق ادام جۇمىس ىستەيدى. بۇل جونىندە ەڭبەك رەسۋرستارىن دامىتۋ ورتالىعىنا سىلتەمە جاساپ قازاقپارات حابارلايدى.

ەڭبەك رەسۋرستارىن دامىتۋ ورتالىعىنىڭ ساراپشىلارى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرى نەگىزىندە دەموگرافيا مەن ەڭبەك نارىعىنا تالداۋ جاسادى. ناتيجەسىندە، 2019 -جىلعى 3- توقساندا قازاقستاندا رەسمي جۇمىسپەن قامتىلعان، ياعني رەسمي ەكونوميكادا تىركەلگەن، 3,35 ميلليون ادام جوعارى ءبىلىمدى جانە 3,74 ميلليون ادام ارنايى ءبىلىمى بار ادامدار، ال 1,68 ميلليون جۇمىسكەردىڭ تەك ورتا ءبىلىمى عانا بار.

تالداۋعا سايكەس، رەسپۋبليكادا تۇراتىن 18,5 ميلليون ادامنىڭ ىشىندە 9,2 ميلليون ادام جۇمىس كۇشى ساناتىنا جاتادى، ال ءىس جۇزىندە 8,7 ميلليون ادام جۇمىس ىستەيدى، ونىڭ 6,7 ميلليونى - جالدامالى جۇمىسشىلار.

«حالىقتىڭ باسىم بولىگى ساۋدا، اۋىل شارۋاشىلىعى، ءبىلىم بەرۋ سالالارىندا جانە ونەركاسىپتىڭ بارلىق تۇرلەرىندە - 4,8 ميلليوننان استام ادام جۇمىس ىستەيدى. سۇرانىسى از جۇمىستار - سۋمەن قامتاماسىز ەتۋ جانە قالدىقتاردى جويۋ، ەلەكترمەن جانە ەنەرگيامەن قامتاماسىز ەتۋ، ونەر جانە ويىن- ساۋىق سالاسى، سونداي- اق جىلجىمايتىن مۇلىكپەن جاسالاتىن وپەراتسيالار بولىپ تابىلادى. بۇل سالالارداعى قىزمەتكەرلەردىڭ جالپى سانى شامامەن 530 مىڭ ادامدى قۇرايدى»، - دەيدى ەردو ەڭبەك رەسۋرستارىن بولجاۋ دەپارتامەنتىنىڭ ديرەكتورى دميتريي شۋمەكوۆ.

بۇل رەتتە اۋىل شارۋاشىلىعى باعىتىندا جۇمىس ىستەيتىن حالىقتىڭ جارتىسىنان استامى (733 مىڭ) جانە ساۋدامەن اينالىساتىن ادامداردىڭ ۇشتەن ءبىر بولىگى (686 مىڭ) - ءوزىن- ءوزى جۇمىسپەن قامتىعاندار. سونداي- اق، اۋىل شارۋاشىلىعىمەن اينالىساتىن 600 مىڭعا جۋىق ادامنىڭ تەك ورتا ءبىلىمى بار.

جالپى العاندا، جۇمىسپەن قامتىلعانداردىڭ ىشىندە ارنايى ءبىلىمى جوق - 1,68 ميلليون ادام بار. 3,74 ميلليون ادام ورتا كاسىپتىك بىلىمگە يە، ال قىزمەتكەرلەردىڭ ۇشتەن ءبىر بولىگى - 3,35 ميلليون ادام جوعارى ءبىلىمىن ماقتانىش تۇتا الادى.

«ايتا كەتەرلىگى، جۇمىسپەن قامتىلعانداردىڭ جارتىسىنان كوبى، 5,7 ميلليون نەمەسە % 65 ءوز ماماندىعى بويىنشا جۇمىس ىستەيدى، ماماندىعىنا ساي ەمەس ەمەس - % 20 جانە 1,3 ميلليون % 15 ارنايى ءبىلىم الماعان»، - دەپ اتاپ ءوتتى دميتري شۋمەكوۆ.

ماماندىق بويىنشا جۇمىستىڭ بولماۋى دا جۇمىسسىزدىق دەڭگەيىنە دە اسەر ەتتى. 442 مىڭ جۇمىسسىزدىڭ 133 مىڭى (30 پايىزى) جوعارى، ال 196 مىڭى (44 پايىزى) ورتا كاسىپتىك ءبىلىمى بار.

سوڭعى جاڭالىقتار