+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

توتەنشە جاعداي قىزمەتكەرلەرى 1,5 ميلليون تۇرعىن ءۇيدى تەكسەرىپ شىقپاق

28 قىركۇيەك 12:26
:ءبولىسۋ
توتەنشە جاعداي قىزمەتكەرلەرى 1,5 ميلليون تۇرعىن ءۇيدى تەكسەرىپ شىقپاق

نۇر-سۇلتان. قازاقپارات - 24 مىڭ تۇرعىن ۇيدەن ءورت قاۋىپسىزدىگى تالاپتارى بۇزىلۋىنىڭ 56 مىڭ فاكتىسى انىقتالدى.

بۇل تۋرالى ۇكىمەت وتىرىسىندا ق ر توتەنشە جاعدايلار ءمينيسترى يۋري يلين ايتتى، دەپ حابارلايدى قازاقپارات ءتىلشىسى.

«15-تامىزدان باستاپ ت ج م بولىمشەلەرى حالىققا ءورت قاۋىپسىزدىگى تالاپتارىن تۇسىندىرۋگە باعىتتالعان ءورت قاۋىپسىزدىگى رەسپۋبليكالىق اكتسياسىن وتكىزىپ جاتىر. الەۋمەتتىك قورعانىس ورگاندارىنىڭ اقپاراتىنا سايكەس، حالىقتىڭ الەۋمەتتىك ءالسىز توبىنان 107 مىڭنان استام تۇرعىن ءۇي ەسەپكە قويىلدى. ولاردى ارالاپ شىعۋ اياقتالدى. وكىنىشكە وراي، 2 مىڭنان استام ءۇيدىڭ تۇرعىندارى تەكسەرۋدەن جانە كەڭەس الۋدان باس تارتتى. اتالعان ساناتقا كىرەتىن ازاماتتاردىڭ ۇيلەرىن قايتادان ارالاپ شىعۋ قاراشا مەن جەلتوقساندا جۇرگىزىلەدى»، - دەدى مينيستر.

ونىڭ دەرەگىنشە، تەكسەرىلگەن 24 مىڭ تۇرعىن ۇيدەن ءورت قاۋىپسىزدىگى تالاپتارى بۇزىلۋىنىڭ 56 مىڭ فاكتىسى انىقتالدى. ولاردىڭ 26 مىڭنان استامى بىردەن جويىلدى. وسى جىلدىڭ سوڭىنا دەيىن 1,5 ميلليوننان استام تۇرعىن ءۇيدى تەكسەرىپ شىعۋ جوسپارلانىپ وتىر.

«جاز مەزگىلىندە جەكە تۇرعىن ۇيلەرگە 6 944 داتچيك ورناتىلدى. سوڭعى 3 جىلدىڭ ىشىندە تۇرعىن ۇيلەرگە اكىمدىكتەردىڭ جانە دەمەۋشىلەردىڭ قاراجاتى ەسەبىنەن 124 مىڭنان استام اۆتونومدى داتچيك ورناتىلعان بولاتىن. ولار وتكەن جىلۋ بەرۋ كەزەڭىندە 140 ازاماتىمىزدىڭ ءومىرى مەن دەنساۋلىعىن ساقتاپ قالۋعا مۇمكىندىك بەردى»، - دەدى يۋري يلين.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات