يميدجدىك ماقساتقا جۇمسالماق بولعان 1 ميلليارد 400 ميلليون تەڭگە ۇنەمدەلدى
بۇل تۋرادى و ك ق- دا وتكەن باسپا ءسوز ءماسليحاتىندا قارجى ءمينيسترىنىڭ ءبىرىنشى ورىنباسارى بەرىك شولپانقۇلوۆ ءمالىم ەتتى، دەپ حابارلايدى قازاقپارات ءتىلشىسى.
«ەلباسى مەن مەملەكەت باسشىسىنىڭ يميدجدىك جانە كونسالتينگتى باعىتتاعى ورىنسىز شىعىنداردى قىسقارتۋ باعىتىنداعى تاپسىرماسىنا سايكەس، ءۇش جىلدىق كەزەڭگە ارنالعان رەسپۋبليكالىق بيۋدجەت جوباسىن قالىپتاستىرۋ كەزىندە 21 ميلليارد تەڭگەلىك شىعىندار، ونىڭ ىشىندە 2020 -جىلى 10 ميلليارد تەڭگە وڭتايلاندىرىلدى. يميدجدىك شىعىندار بويىنشا 1 ميلليارد 400 ميلليون تەڭگەنىڭ شىعىندى قىسقارتتى. ايتسە دە، يميدجدىك شىعىنداردىڭ مولشەرى بۇرىن دا كوپ ەمەس ەدى»، - دەدى بەرىك شولپانقۇلوۆ.
ونىڭ ايتۋىنشا، ەلىمىزدە بيۋدجەتتىك زاڭناماعا تۇزەتۋ ەنگىزۋ ماسەلەسى قاراستىرىلىپ جاتىر. ناقتىراق ايتقاندا، بيۋدجەتتىك پروتسەستىڭ كەزەڭدەرى قايتا قارالماق. وسىلايشا، شىعىندار ليميتىن ستراتەگيالىق جوسپارلاردى قۇرۋ ساتىسىندا جۇزەگە اسىرۋ ۇسىنىلىپ وتىر.
اۆتور: ايان بەكەن ۇلى