ق ر پرەمەرى جەر ۋچاسكەسىنە قۇجات بەرۋدى 1 جىلدان 20 كۇنگە دەيىن قىسقارتۋدى تاپسىردى
بۇل تۋرالى بۇگىن ۇكىمەت وتىرىسىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«اۋىل شارۋاشىلىعى، سيفرلىق دامۋ مينيسترلىكتەرىنە، وڭىرلەردىڭ اكىمدىكتەرىنە جىلدىڭ اياعىنا دەيىن اگروونەركاسىپ كەشەنى مەن جەر قاتىناستارىن ودان ءارى سيفرلاندىرۋ جونىندەگى جول كارتاسىن ازىرلەۋدى تاپسىرامىن. بايلانىس قىزمەتتەرىنىڭ قولجەتىمدىلىگى مەن ساپاسىنا اسا نازار اۋدارۋ قاجەت. سەبەبى ونسىز زاماناۋي سيفرلىق تەحنولوگيالاردى پايدالانۋ مۇمكىن ەمەس»، - دەدى اسقار مامين.
سونىمەن قاتار ول بيىل جەرلەردى عارىشتان مونيتورينگىلەۋ بويىنشا پيلوتتىق جوبا جۇرگىزىلىپ جاتقانىن اتاپ ءوتتى. 2021-جىلدىڭ اياعىنا دەيىن بۇكىل رەسپۋبليكاعا 100 پايىز تاراتۋ ءۇشىن بۇل جۇمىستى كەلەسى جىلى دا جالعاستىرۋ قاجەتتىگىن ەسكەرتتى.
«سيفرلىق دامۋ، اۋىل شارۋاشىلىعى مينيسترلىكتەرى مەن اكىمدىكتەر كەلەسى جىلى جەر قاتىناستارىن تسيفرلاندىرۋ، جەر ۋچاسكەلەرىن ەسەپكە الۋ مەن رەسىمدەۋ پروتسەسىنىڭ اشىقتىعىن ارتتىرۋ، جەر ۋچاسكەلەرىنە رۇقسات قۇجاتتارىن بەرۋ مەرزىمىن 1 جىلدان 20 كۇنگە دەيىن قىسقارتۋ جۇمىستارىن اياقتاسىن»، - دەدى ۇكىمەت باسشىسى.