الداعى ءۇش جىلدا نۇر-سۇلتان بيۋجەتىنە 1 تريلليون 208 ميلليارد تەڭگە تۇسەدى

بۇل تۋرالى «نۇر-سۇلتان قالاسىنىڭ 2022-2024-جىلدارعا ارنالعان بيۋجەت جوباسى تۋرالى» قوعامدىق تىڭداۋدا قالالىق ەكونوميكا جانە بيۋجەتتىك جوسپارلاۋ باسقارماسىنىڭ باسشىسى قايسار مانقارايەۆ ايتتى، دەپ حابارلايدى قازاقپارات.

سپيكەردىڭ ايتۋىنشا، ءۇش جىلدىق بيۋجەت پارامەترلەرى قازىرگى جاعداي مەن 2026-جىلعا دەيىنگى كەزەڭگە ارنالعان ەلوردا دامۋىنىڭ بولجامدى ينديكاتورلارىن ەسكەرە وتىرىپ جاسالعان. ال ەلورداداعى جالپى وڭىرلىك ءونىم كولەمى 2021-جىلدىڭ ءبىرىنشى جارتىسىندا 3 تريلليون 210 ميلليارد تەڭگە بولىپ، 2020-جىلدىڭ ءبىرىنشى جارتىجىلدىعىمەن سالىستىرعاندا 5,1 پايىزعا ارتقان. رەسپۋبليكالىق ج ءى ءو- دەگى ەلوردا ۇلەسى - 10 پايىز.

«كىرىستەر جونىندە بولجامعا سايكەس، 2022-2024-جىلدارى پاتەر ساتۋدان تۇسەتىن تۇسىمدەردى ەسەپكە الماعاندا، 1 تريلليون 208 ميلليارد تەڭگە تۇسەدى. ونىڭ ىشىندە، 2022 -جىلى - 391 ميلليارد تەڭگە، 2023 -جىلى - 416 ميلليارد تەڭگە، 2024-جىلى - 401,4 ميلليارد تەڭگە. سالىق تۇسىمدەرى 1 تريلليون 166 ميلليارد تەڭگەنى قۇرايدى.

ونىڭ ىشىندە 2022-جىلى - 286 ميلليارد تەڭگە، 2023-جىلى - 382 ميلليارد تەڭگە، 2024-جىلى - 396 ميلليارد تەڭگە تۇسەدى.

سالىقتىق ەمەس تۇسىمدەر، ايىپپۇلداردى ەسەپكە الماعاندا، 9,1 ميلليارد تەڭگە دەپ بولجانىپ وتىر. - 2022-جىلى 1,1 ميلليارد تەڭگە، 2023-جىلى 6,9 ميلليارد تەڭگە، 2024-جىلى 1,1 ميلليارد تەڭگە.

پاتەرلەردى ساتۋدى ەسەپتەمەگەندە، نەگىزگى كاپيتالدى ساتۋدان تۇسەتىن تۇسىمدەر 7,2 ميلليارد تەڭگە كولەمىندە بولجانۋدا. ونىڭ ىشىندە 2022-جىلى 2,5 ميلليارد تەڭگە، 2023-جىلى 2,4 ميلليارد تەڭگە، 2024-جىلى 2,3 ميلليارد تەڭگە بار»، - دەدى ق. مانقارايەۆ.

ونىڭ ايتۋىنشا، جەكە تابىس بويىنشا الداعى كەزەڭگە ارنالعان بولجام 53,4 ميلليارد تەڭگەگە، ونىڭ ىشىندە سالىق تۇسىمدەرى ەسەبىنەن 52,7 ميلليارد تەڭگەگە جانە وزگە دە كىرىستەر ەسەبىنەن 700 ميلليون تەڭگەگە ارتقان.

«ءۇش جىلدىق بيۋجەت شىعىستارىنىڭ جالپى كولەمى 1 تريلليون 208 ميلليارد تەڭگە سوماسىندا جوسپارلانىپ وتىر. ونىڭ ىشىندە، 2022-جىلى - 391 ميلليارد تەڭگە، 2023 -جىلى - 416 ميلليارد تەڭگە، 2024-جىلى - 401 ميلليارد تەڭگە. سونىمەن قاتار، قالا بيۋجەتىندە رەسپۋبليكالىق بيۋجەتتەن 100,5 ميلليارد تەڭگە سوماسىندا نىسانالى دامۋ ترانسفەرتتەرى قاراستىرىلعان. ونىڭ ىشىندە، 2022-جىلى - 89 ميلليارد تەڭگە، 2023-جىلى - 10 ميلليارد تەڭگەگە جۋىق قاراجات»، - دەدى ق. ماڭقارايەۆ.