21:25, 18 Қаңтар 2017 | GMT +6
Жоғарғы Сот Төрағасы Мысырдың Қазақстандағы Елшісімен кездесті
АСТАНА. ҚазАқпарат - Бүгін Қазақстан Республикасы Жоғарғы Сотының Төрағасы Қайрат Мәми Египет Араб Республикасының Қазақстан Республикасындағы Елшісі Хайсам Ибрагиммен кездесті.
Кездесу барысында Қ. Мәми екі ел арасындағы қарым-қатынас өзара түсіністік пен сенім жағдайында дамып отырғанын атап өтті. Египет Қазақстанның Солтүстік Африкадағы басты серіктестерінің бірі болып табылады.
Әңгімелесу барысында тараптар кездесудің негізгі мәселесі - Египет Араб Республикасы Жоғарғы Конституциялық Сотының Төрағасы Әбдел Вахаб Әбдел Разем Хасанның 2017 жылдың наурызында Қазақстанға жасалатын сапарын талқылады.
Іс-шара соңында тараптар екі елдің жоғарғы сот органдарының ынтымақтастығын одан әрі жалғастырудың тәжірибесімен, ақпаратпен және жетістіктермен өзара алмасуға тиімді жағдай жасау тұрғысындағы маңыздылығын атап өтті.