05:51, 30 Сәуір 2017 | GMT +6
Жексенбіде ел аймақтарында құбылмалы күн райы сақталады
АСТАНА. ҚазАқпарат - Атмосфералық фронттардың өтуіне байланысты 30 сәуір күні ел аймақтарында тұрақсыз ауа райы сақталады.
Кей жерлерінде жаңбыр жауады, оңтүстікте, оңтүстік-шығыста нөсерлі жаңбырлар күтіледі, солтүстікте, оңтүстік-шығыста жауын-шашын болжанады. Ашық күн райы тек батыста, оңтүстік батыста болады. Республиканың кей жерлерінде тұман, найзағай, желдің күшеюі күтіледі, сондай-ақ бұршақ жаууы ықтимал. Бұл туралы «Қазгидромет» РМК-дан хабарлады.
Солтүстік Қазақстан, Ақмола, Қарағанды облыстарының кей жерлерінде тұман болжанады, желдің екпіні 15-20 м/с күшейеді.
Жамбыл, Оңтүстік Қазақстан, Павлодар, Шығыс Қазақстан, күндіз Маңғыстау облыстарының жекелеген аумақтарында жел 15-22 м/с артады.
Қостанай облысының кей жерлерінде тұман болады.