Жекешелендіруге шығарылған ТОП нысандар бағалау құнынан 1,5 млрд теңге қымбатқа сатылуда
«2017 жылға 24 топ нысанды, оның ішінде Ұлттық холдингтердің 20 нысанын және республикалық меншіктегі 4 нысанды сату жоспарланған болатын. Олардың ішінде бүгінгі таңда 6 нысан сатылды және 11 нысан сауда-саттықта», - деді министр.
Оның айтуынша, өткен кезең ішінде сатылған топ нысандарға жасалған талдауға сәйкес сату бағасы олардың бағалау құнынан 3 пайызға немесе шамамен 1,5 млрд теңгеге, ал олардың баланстық құнынан 90 пайызға, яғни 23 млрд. теңгеге артық екендігін көрсеткен.
«Республикалық меншіктегі 4 топ нысан бойынша жұмыс Жол карталарында көрсетілген іс-шараларға сәйкес жүргізілуде. Жалпы, нысандарды сату бекітілген Кестелерге сәйкес жүзеге асырылуда және ағымдағы жылға жоспарланған барлық объектілер 1 қарашаға дейін сауда-саттыққа шығарылатын болады», - деді Бақыт Сұлтанов.