Жат ағымның жетегінде кеткен әйел Елбасына мұңын шақты

«Қазір сол кезді еске алсам, жаным түршігеді. Дін арқылы ондай манипуляцияны жасауға болатынын ойлаған да жоқпын. Мен адамның ойына кірмейтін нәрседен өттім. Кемсіту, жәбірлеу, моральды тұрғыда қысым көрсету - бәрі-бәрі болды. Алайда мен үшін ең асыл адамдар - ата-аналардан бас тартуың керексің деп айтқанда ол сенімнің дін емес екенін түсіндім. Сол тығырықтан шығуға батылым жетті», - деді Әсел Базарбаева.

Осы кезде ол шыдай алмай, жылап жіберді. Алайда ойын жинақтап, нақты ұсыныстарын жеткізді.

Оның айтуынша, қазіргі кезде діни экстремизмнің құрбанына айналған азаматтарға көмек көрсетіп отырған жөн.

«Бүгінде мен осы жұмыспен де айналысамын. Деструктивті идеялардан зардап шеккен әйелдерге моральдық жағынан көмек көрсетемін. Ондай адамдар аз емес. Мен діни ағымдардың жетегінде кеткен жүздеген адамды білемін. Алайда олардың бірен-сараңы ғана сол тығырықтан шығуға ниет білдіреді. Бізде «әрбір қазақ - жалғызым» деген сөз бар. Оларға да жалғызым деп қарайық. Ортамызға қайтуға көмектесейік. Ол үшін арнайы оңалту орталықтарын көптеп ашу қажет», - деп атап көрсетті Базарбаева.

Президент бұл бастаманы қолдады.

«Ондай орталықтар көп болуы керек. Әр өңірде қолдау қажет. Әкімдер, министрліктер өз көмектерін беруі тиіс», - деді Назарбаев.
Айта кетейік, сессияның басында Мемлекет басшысы Нұрсұлтан Назарбаев Ассамблея мүшелерінебір сырын айтып берді.

Бұдан бөлек, Президент мемлекеттің дамуына кедергі жасайтын мәселелер төңірегінде ой өрбітті .

Нұрсұлтан Назарбаевтың айтуынша, бүгінде ата-бабаларымыз сияқты прагматик болу қажет.

Президент айтысқа қатыстыөз ойын да білдірді.