УЕФА «Жыл командасының» құрамын анықтады

«Жыл командасына» өткен 16 жылда үздік ойынымен көзге түскен шеберлер іріктелді. Олардың арасында атақты қақпашы Икер Касильяс бар. Ол 2007 жылдан бастап №1 жейдені ешкімге бермеген. Қорғаныста испан үштігі: Серхио Рамос, Жерар Пике және Карлес Пуйоль жайғасқан.

Сондай-ақ, неміс капитаны Филипп Лам да үздіктер қатарында. Орталық алаңның шеберлері Хави мен Андрес Иньеста, ағылшындық Стивен Джеррард жоғары ұпайға ие болған. Үздік шабуылшы Тьерри Анри 2000-жылдан бастап «Жыл командасына» 5 мәрте енген. Бұл құрамаға ең көп (11 рет) кірген -Криштиану Роналду. Португалдық футболшыны Лионель Месси өкшелеп қалды. Ол үздік футболшылар қатарынан 8 рет көрінді.

Айта кетейік, Месси 2017 жылдың қорытындысы бойынша «Алтын бутсы» иегері атанды.  Аргентиналық мерген шабуылшы 74 ұпай еншілеп, Бас Дост пен Пьер-Эмерик Обамеянгты озды.