04:10, 19 Маусым 2017 | GMT +6
Тұтынушының шағымынан соң Қызылордадағы кәсіпорынға тексеру жүргізіледі
АСТАНА. ҚазАқпарат - Қызылорданың коммуналдық кәсіпорнында тұтынушының шағымынан соң жоспардан тыс тексеру басталды, деп хабарлайды ҚазАқпарат анимонополиялық ведомствоның баспасөз қызметіне сілтеме жасап.
«ҚР ҰЭМ-нің табиғи монополияларды реттеу мен тұтынушылардың құқықтарын қорғау комитетінің Қызылорда облысы бойынша департаментінің өкілдері жеке тұлғаның шағымы негізінде «Кызылордажылуэнергоорталық» МҚК-ін жоспардан тыс тексеруді бастады»,-делінген хабарламада.
Антимонополиялық ведомство өкілдері жылу энергиясына төлем дұрыс жасалып жатқандығын анықтайды.