11:08, 14 Желтоқсан 2017 | GMT +6
Теміртаудағы супермаркеттен құрт түскен анарлар табылды
ҚАРАҒАНДЫ. ҚазАқпарат - Теміртаудағы супермаркет сөрелерінен құрамында қауіпті жұқтырғыш құрт бар (червец комстока) 100 келі анар сауда айналымынан алынып тасталды, деп хабарлайды «ҚазАқпарат» ХАА тілшісі.
Анардың қаншалықты зиянды екендігін зертханалық сараптама жасамай дәлелдеп беру мүмкін емес. Сондықтан кәсіпкерлерден, басқа өңірлерден, сондай ақ жақын шетелдерден тауар жеткізушілерден жемістің сапасын нақтылайтын құжат талап етуін сұраймыз, - деді Теміртаудағы аумақтық инспекция басшысы Үсен Сартбаев.
Аталған құрт анар жемісінің сабағының түбіне жұқа мақта немесе пердеге ұқсас көгерген жұмыртқа салады.