01:41, 16 Желтоқсан 2017 | GMT +6
Сенбіде Қазақстанның басым бөлігінде күн ашық болады
АСТАНА. ҚазАқпарат - «Қазгидромет» РМК 16 желтоқсанға арналған ауа райы болжамын ұсынады, деп хабарлайды ҚазАқпарат.
Республика аймақтарында бұрынғыдай жауын-шашынсыз ауа райы сақталады. Кей жерлерде жел күшейіп, тұман күтіледі.
Жамбыл, Қызылорда облыстарының кей жерлерінде тұман болып, 15-20 м/с жылдамдықпен жел соғады. Алматы облысының кей жерінде тұман, Алакөл аудандарында жел 18-23 м/с күшейеді.
Ақмола, Оңтүстік Қазақстан, Маңғыстау, Батыс Қазақстан, Қостанай, Солтүстік Қазақстан, Павлодар, Шығыс Қазақстан облыстарының кей жерлерінде тұман түседі.