00:29, 24 Маусым 2017 | GMT +6

Сенбі күні Қазақстанның басым бөлігінде жаңбыр жауып, найзағай ойнайды

АСТАНА. ҚазАқпарат - Бүгін атмосфералық фронттардың өтуіне байланысты республиканың басым бөлігінде құбылмалы ауа райы сақталады, кей жерлерде жаңбыр күтіледі, найзағай болады, жел күшейеді, бұршақ жаууы мүмкін. Тек республиканың қиыр оңтүстік-батысында жауын-шашынсыз ауа райы күтіледі. Таңертең республиканың солтүстік-батысының кей жерлерінде тұман күтіледі.

Бұл туралы ҚР ІІМ ТЖК баспасөз қызметі хабарлайды.

Павлодар, Шығыс Қазақстан облыстарының кей жерлерінде бұршақ жаууы мүмкін, желдің жылдамдығы 15-20, екпіні 23-28 м/с-ға дейін болады.

Ақмола, Алматы, Жамбыл облыстарының кей жерлерінде бұршақ жаууы мүмкін, желдің жылдамдығы 15-20 м/с-ға дейін күшейеді.

Солтүстік Қазақстан облысының кей жерлерінде бұршақ жаууы мүмкін, күндіз кей жерлерінде желдің жылдамдығы 15-20 м/с-ға дейін күшейеді.

Оңтүстік Қазақстан, Қарағанды, күндіз Қызылорда, Атырау, Батыс Қазақстан, Ақтөбе облыстарының кей жерлерінде желдің жылдамдығы 15-20 м/с болады, Қызылорда облысында шаңды дауылмен соғады.

Қостанай облысының таңертең кей жерлерінде тұман болып, күндіз желдің жылдамдығы 15-20 м/с-ға дейін күшейеді.

Күндіз Алматы, Шығыс Қазақстан облыстарында, Қарағанды облысының кей жерлерінде қатты ыстық болады.

Күндіз Қызылорда облысында, Оңтүстік Қазақстан, Жамбыл, Қарағанды, Шығыс Қазақстан, Қостанай облыстарының кей жерлерінде өте жоғары өрт қаупі сақталады.

Тегтер:

Ауа райы Қоғам Басты жаңалық

Соңғы жаңалықтар

Одан да көп жаңалықтар біздің Телеграм-арнамызда!