20:03, 26 Сәуір 2018 | GMT +6
Петропавл саяжайларын су басуы мүмкін
ПЕТРОПАВЛ. ҚазАқпарат - СҚО-да су тасқынына байланысты ескерту жарияланды, деп хабарлайды ҚазАқпарат тілшісі.
«Қазгидромет» РМК мәліметі бойынша, 28-30 сәуір күндері Есіл өзеніндегі су деңгейі көтеріледі деп күтілуде және Петропавлдағы қауіпті меже - 1050 сантиметрге жетеді. Қала іргесіндегі саяжайларды су басу қаупі бар.
Кеше Петропавлдағы тас жол арқылы судың жүріп кетуіне байланысты «Челябинск-Новосибирск» тас жолының учаскесі жабылып қалды.
Бүгінде аймақта екінші ауа райы туралы ескерту жарияланды. Ертең облыста желдің екпіні секундына 25 метрге дейін күшті жел болады деп күтілуде.