00:01, 29 Маусым 2017 | GMT +6
Оралда көлік қағып кеткен екі жасар қыз бала көз жұмды
ОРАЛ. ҚазАқпарат - 23 маусым күні кешкісін Зачаган кентіндегі Мұрат Мөңкеұлы көшесі бойындағы 108/2-үйдің ауласында екі жасар қыз баланы көлік қағып кетті, деп хабарлайды «ҚазАқпарат» тілшісі.
Көршілерінің айтуынша, жол-көлік оқиғасы салдарынан көз жұмған кішкентай қыз жексенбі күні жер қойнына тапсырылды. Баланы қаққан «Nissan Primera» көлігінің жүргізушісі сол көшедегі 108/4-үйде тұратын көрінеді.
БҚО ІІД баспасөз қызметі оқиғаны растады, ресми мәлімет кейін берілетін болады.