Оралда балабақшада бүлдіршіндердің улануына байланысты қылмыстық іс қозғалды

None
None
ОРАЛ. ҚазАқпарат - Биылғы 12 сәуірде Орал қаласындағы №34 «Балбұлақ» балабақшасының төрт бірдей тәрбиеленушісі облыстық жұқпалы аурулар ауруханасына түскен болатын, деп хабарлайды «ҚазАқпарат» тілшісі.

Орал қалалық тұтынушылар құқығын қорғау басқармасының басшысы Мәдениет Танауовтың айтуынша, қазір балалардың барлығы жазылып, балабақшаға қайта барды. Олардың үшеуіне тамақ токсикоинфекциясы диагнозы қойылған болатын. Тексеру нәтижесінде балабақшада жұмыс жасайтын төрт қызметкердің стафилококк ауреус ауруының қоздырғышын алып жүргені анықталды. Олар жұмыстан шеттетіліп, ем алу үстінде.

«Күні бүгін абайсызда адамдардың улануына соқтырған санитарлық ережелердің немесе гигиеналық талаптардың бұзылу дерегі бойынша қылмыстық іс қозғалып, сотқа дейінгі тергеу амалдары жүргізілуде. Енді соның нәтижесі бойынша тиісті шаралар алынатын болады. Атап айтқанда, іс қысқартылса, жауапты қызметкерлер әкімшілік жауапкершілікке тартылуы мүмкін. Ал сотқа дейін жеткен жағдайда тиісті үкім шығарылады», деді М.Танауов.

Соңғы жаңалықтар