ОҚО-да «Адам саудасы» үздік әлеуметтік жоба деп танылды
Мүмкіндігі шектеулі және өмірлік қиын жағдайға тап болған азаматтардың проблемаларына қоғамның назарын аудару мақсатында ұйымдастырылған бұл конкурсқа облыстағы аудан, қаладан қоғамдық бірлестіктер мен үкіметтік емес ұйымдар, қауымдастықтар және заңды тұлғалар қатысты. Келіп түскен жобалар облыстық іріктеу комиссияның отырысында қаралған болатын.
Айта кетейік, үздік жобаны ұсынған «Сана Сезiм» әйелдер бастамалары құқықтық орталығы азаматтарға әлеуметтік-тұрмыстық, әлеуметтік-психологиялық, әлеуметтік-медициналық, әлеуметтік-педагогикалық, әлеуметтік-құқықтық, әлеуметтік-мәдени сынды қызмет түрлерін көрсетеді.
Енді орталықтың әлеуметтік жобасы облыс атынан 2017 жылы 20 қыркүйекте Астана қаласында өтетін республикалық көрмеге қатысатын болады.
Айта кетейік, елімізде отбасылық қатынастарды, моральдық-этикалық және рухани-адамгершілік құндылықтарды нығайту мақсатында Қазақстан Республикасы Еңбек және халықты әлеуметтік қорғау министрлігінің ұйымдастыруымен 2013 жылдан бастап өткізіліп келеді.