«Нұрлы жер»: Оралда 276 отбасы баспаналы болды

None
None
ОРАЛ. ҚазАқпарат - Бүгін Оралда қос бірдей көп қабатты тұрғын үй пайдалануға берілді, деп хабарлайды «ҚазАқпарат» тілшісі.

Жаңа үйлерге қоныстанушыларды облыс әкімі Алтай Көлгінов құттықтап, Елбасы тапсырмасына сәйкес «Нұрлы жер» бағдарламасы аясында өңірде тұрғын үй құрылысы ерекше қарқын алғанын жеткізді. Соның ішінде соңғы жылдары қалаға қарасты Зачаган кентінде Орал-Атырау және Орал-Саратов күре жолдары аралығында тұрғын үйге қоса мектеп, балабақша, емхана, спорт кешені бар тұтас қалашық бой көтерді деуге болады.
null 

Жаңадан салынған қос үйдегі пәтерлер кезекте тұрғандар мен «Тұрғын үй құрылыс жинақ банкі» салымшыларына берілді. Оның бірі - 180 пәтерлік 9 қабатты тұрғын үй құрылысына 1,3 млрд теңге жұмсалды. Екіншісі - 96 пәтерлік 9 қабатты тұрғын үйді салу үшін 830,8 млн теңге бөлінген болатын. Сонда бүгін Оралда 276 отбасы баспаналы болып отыр.
null 

«Нұрлы жер» бағдарламасына сәйкес облыс орталығы мен аудандарда тұрғын үйлерді пайдалануға беру бұдан кейін де жалғасын табатын болады.

null null 

Соңғы жаңалықтар