Николас Кейдж, Эндриен Броуди, Джон Малкович елордада шеберлік сабақтарын өткізеді

None
None
АСТАНА. ҚазАқпарат - Николас Кейдж, Эндриен Броуди, Джон Малкович елордада шеберлік сабақтарын өткізеді. Бұл туралы бүгін Үкімет үйінде өткен брифингте ҚР Мәдениет және спорт министрі Арыстанбек Мұхамедиұлы мәлім етті, деп хабарлайды ҚазАқпарат.

«22 шілдеде «Қазақстан» орталық концерт залында «Еуразия» кинофестивалінің ашылу салтанаты өтеді. Оған «А» санатындағы Николас Кейдж, Эндриен Броуди, Джон Малкович сынды танымал әлемдік жұлдыздар келеді. Шындығында бұған дейін  бізге спорттық стильдегі танымал актерлердің келгендігін мойындауымыз керек.  Ал Николас Кейдж, Эндриен Броуди зияткерлік  тұрғыдағы актерлер екендігі белгілі», - деді министр.

Оның айтуынша,  кинофестиваль аясында кино өнерінің әлемдік жұлдыздары шеберлік сабақтарын өткізетін болады. 

«Николас Кейдж, Эндриен Броуди, Джон Малкович және басқа да жұлдыздар  шеберлік сабақтарын өткізетін болады. Біз алғаш рет «Еуразия» кинофестивалі аясында бірінші рет балалар кинофестивалін өткізбекпіз. 23 шілде күні  Оқушылар сарайында өтетін шараны Николас Кейдж ашатын болады»,-  деді Арыстанбек Мұхамедиұлы.

Соңғы жаңалықтар