18:25, 25 Сәуір 2017 | GMT +6
Мас адамның әйел полицейге қол жұмсау фактісі бойынша қылмыстық іс қозғалды - Садубаев
АСТАНА. ҚазАқпарат - Инстаграм әлеуметтік желісінде әйел полицейді мас азаматтың соққыға жығуы туралы видео тараған болатын. Осыған орай ҚР ІІМ Мемлекеттік тіл және ақпарат департаментінің директоры Алмас Садубаев түсініктеме берді, деп хабарлайды ҚазАқпарат.
«Иә, бұл оқиға осы жылдың сәуір айында Алматы қаласының Алатау ауданына қарасты мектептердің бірінің ауласында орын алған. Қазіргі уақытта А.Кимге қатысты Қылмыстық кодекстің 380 бабы 1 тармағы (билік өкіліне күш қолдану) бойынша қылмыстық іс қозғалды.
Ол бұған дейін жіті бақылаумен арнайы үлгідегі психиатриялық стационарда мәжбүрлі түрде ем алған. Бүгінде мектеп инспекторының денсаулығына еш қауіп төніп тұрған жоқ», - деді Алмас Садубаев.
Жігіттер не қарап тұр? Ұят! Кто владеет какой информацией?